Wycliffe Bible

Proverbs 21

Sundry observations of moral virtues, and their contrary vices (10-24).

Proverbs 21:1 As departyngis of watris, so the herte of the kyng is in the power of the Lord; whidur euer he wole, he schal bowe it. Proverbs 21:2 Ech weye of a man semeth riytful to hym silf; but the Lord peisith the hertis. Proverbs 21:3 To do merci and doom plesith more the Lord, than sacrifices doen. Proverbs 21:4 Enhaunsyng of iyen is alargyng of the herte; the lanterne of wickid men is synne. Proverbs 21:5 The thouytis of a stronge man ben euere in abundaunce; but ech slow man is euere in nedynesse. Proverbs 21:6 He that gaderith tresours bi the tunge of a leesing, is veyne, and with outen herte; and he schal be hurtlid to the snaris of deth. Proverbs 21:7 The raueyns of vnpitouse men schulen drawe hem doun; for thei nolden do doom. Proverbs 21:8 The weiward weie of a man is alien fro God; but the werk of hym that is cleene, is riytful. Proverbs 21:9 It is betere to sitte in the corner of an hous with oute roof, than with a womman ful of chydyng, and in a comyn hous. Proverbs 21:10 The soule of an vnpitouse man desirith yuel; he schal not haue merci on his neiybore. Proverbs 21:11 Whanne a man ful of pestilence is punyschid, a litil man of wit schal be the wisere; and if he sueth a wijs man, he schal take kunnyng. Proverbs 21:12 A iust man of the hous of a wickid man thenkith, to withdrawe wickid men fro yuel. Proverbs 21:13 He that stoppith his eere at the cry of a pore man, schal crye also, and schal not be herd. Proverbs 21:14 A yift hid quenchith chidyngis; and a yift in bosum quenchith the moost indignacioun. Proverbs 21:15 It is ioye to a iust man to make doom; and it is drede to hem that worchen wickidnesse. Proverbs 21:16 A man that errith fro the weie of doctryn, schal dwelle in the cumpany of giauntis. Proverbs 21:17 He that loueth metis, schal be in nedynesse; he that loueth wiyn and fatte thingis, schal not be maad riche. Proverbs 21:18 An vnpitouse man schal be youun for a iust man; and a wickid man schal be youun for a riytful man. Proverbs 21:19 It is betere to dwelle in a desert lond, than with a womman ful of chidyng, and wrathful. Proverbs 21:20 Desirable tresoure and oile is in the dwelling places of a iust man; and an vnprudent man schal distrie it. Proverbs 21:21 He that sueth riytfulnesse and mercy, schal fynde lijf and glorie. Proverbs 21:22 A wijs man stiede in to the citee of stronge men, and distriede the strengthe of trist therof. Proverbs 21:23 He that kepith his mouth and his tunge, kepith his soule from angwischis. Proverbs 21:24 A proude man and boosteere is clepid a fool, that worchith pride in ire. Proverbs 21:25 Desiris sleen a slow man; for hise hondis nolden worche ony thing. Proverbs 21:26 Al dai he coueitith and desirith; but he that is a iust man, schal yyue, and schal not ceesse. Proverbs 21:27 The offringis of wickid men, that ben offrid of greet trespas, ben abhomynable. Proverbs 21:28 A fals witnesse schal perische; a man obedient schal speke victorie. Proverbs 21:29 A wickid man makith sad his cheer vnschamefastli; but he that is riytful, amendith his weie. Proverbs 21:30 No wisdom is, no prudence is, no counsel is ayens the Lord. Proverbs 21:31 An hors is maad redi to the dai of batel; but the Lord schal yyue helthe.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook