Wycliffe Bible

Proverbs 18

Sundry observations of moral virtues, and their contrary vices (10-24).

Proverbs 18:1 He that wole go a wei fro a frend, sekith occasiouns; in al tyme he schal be dispisable. Proverbs 18:2 A fool resseyueth not the wordis of prudence; no but thou seie tho thingis, that ben turned in his herte. Proverbs 18:3 A wickid man, whanne he cometh in to depthe of synnes, dispisith; but sclaundre and schenschipe sueth hym. Proverbs 18:4 Deep watir is the wordis of the mouth of a man; and a stronde fletinge ouer is the welle of wisdom. Proverbs 18:5 It is not good to take the persoone of a wickid man in doom, that thou bowe awei fro the treuthe of dom. Proverbs 18:6 The lippis of a fool medlen hem silf with chidyngis; and his mouth excitith stryues. Proverbs 18:7 The mouth of a fool is defoulyng of hym; and hise lippis ben the fallynge of his soule. Proverbs 18:8 The wordis of a double tungid man ben as symple; and tho comen til to the ynnere thingis of the wombe. Drede castith doun a slowe man; forsothe the soulis of men turned in to wymmens condicioun schulen haue hungur. Proverbs 18:9 He that is neisch, and vnstidfast in his werk, is the brother of a man distriynge hise werkis. Proverbs 18:10 A strongeste tour is the name of the Lord; a iust man renneth to hym, and schal be enhaunsid. Proverbs 18:11 The catel of a riche man is the citee of his strengthe; and as a stronge wal cumpassinge hym. Proverbs 18:12 The herte of man is enhaunsid, bifor that it be brokun; and it is maad meke, bifore that it be glorified. Proverbs 18:13 He that answerith bifore that he herith, shewith hym silf to be a fool; and worthi of schenschipe. Proverbs 18:14 The spirit of a man susteyneth his feblenesse; but who may susteyne a spirit liyt to be wrooth? Proverbs 18:15 The herte of a prudent man schal holde stidfastli kunnyng; and the eere of wise men sekith techyng. Proverbs 18:16 The yift of a man alargith his weie; and makith space to hym bifore princes. Proverbs 18:17 A iust man is the first accusere of hym silf; his frend cometh, and schal serche hym. Proverbs 18:18 Lot ceessith ayenseiyngis; and demeth also among miyti men. Proverbs 18:19 A brother that is helpid of a brothir, is as a stidfast citee; and domes ben as the barris of citees. Proverbs 18:20 A mannus wombe schal be fillid of the fruit of his mouth; and the seedis of hise lippis schulen fille hym. Proverbs 18:21 Deth and lijf ben in the werkis of tunge; thei that louen it, schulen ete the fruytis therof. Proverbs 18:22 He that fyndith a good womman, fyndith a good thing; and of the Lord he schal drawe vp myrthe. He that puttith a wey a good womman, puttith awei a good thing; but he that holdith auowtresse, is a fool and vnwijs. Proverbs 18:23 A pore man schal speke with bisechingis; and a riche man schal speke sterneli. Proverbs 18:24 A man freendli to felouschipe schal more be a frend, than a brothir.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook