Wycliffe Bible

Proverbs 16

Sundry observations of moral virtues, and their contrary vices (10-24).

Proverbs 16:1 It perteyneth to man to make redi the soule; and it perteyneth to the Lord to gouerne the tunge. Proverbs 16:2 Alle the weies of men ben opyn to the iyen of God; the Lord is a weiere of spiritis. Proverbs 16:3 Schewe thi werkys to the Lord; and thi thouytis schulen be dressid. Proverbs 16:4 The Lord wrouyte alle thingis for hym silf; and he made redi a wickid man to the yuel dai. Proverbs 16:5 Abhomynacioun of the Lord is ech proude man; yhe, thouy the hond is to the hond, he schal not be innocent. The bigynnyng of good weie is to do riytwisnesse; forsothe it is more acceptable at God, than to offre sacrifices. Proverbs 16:6 Wickidnesse is ayen bouyt bi merci and treuthe; and me bowith awei fro yuel bi the drede of the Lord. Proverbs 16:7 Whanne the weyes of man plesen the Lord, he schal conuerte, yhe, hise enemyes to pees. Proverbs 16:8 Betere is a litil with riytfulnesse, than many fruytis with wickidnesse. Proverbs 16:9 The herte of a man schal dispose his weie; but it perteyneth to the Lord to dresse hise steppis. Proverbs 16:10 Dyuynyng is in the lippis of a king; his mouth schal not erre in doom. Proverbs 16:11 The domes of the Lord ben weiyte and a balaunce; and hise werkis ben alle the stoonys of the world. Proverbs 16:12 Thei that don wickidli ben abhomynable to the king; for the trone of the rewme is maad stidfast bi riytfulnesse. Proverbs 16:13 The wille of kyngis is iust lippis; he that spekith riytful thingis, schal be dressid. Proverbs 16:14 Indignacioun of the kyng is messangeris of deth; and a wijs man schal plese him. Proverbs 16:15 Lijf is in the gladnesse of the cheer of the king; and his merci is as a reyn comynge late. Proverbs 16:16 Welde thou wisdom, for it is betere than gold; and gete thou prudence, for it is precyousere than siluer. Proverbs 16:17 The path of iust men bowith awei yuelis; the kepere of his soule kepith his weie. Proverbs 16:18 Pride goith bifore sorewe; and the spirit schal be enhaunsid byfor fallyng. Proverbs 16:19 It is betere to be maad meke with mylde men, than to departe spuylis with proude men. Proverbs 16:20 A lerned man in word schal fynde goodis; and he that hopith in the Lord is blessid. Proverbs 16:21 He that is wijs in herte, schal be clepid prudent; and he that is swete in speche, schal fynde grettere thingis. Proverbs 16:22 The welle of lijf is the lernyng of him that weldith; the techyng of foolis is foli. Proverbs 16:23 The herte of a wijs man schal teche his mouth; and schal encreesse grace to hise lippis. Proverbs 16:24 Wordis wel set togidere is a coomb of hony; helthe of boonys is the swetnesse of soule. Proverbs 16:25 A weye is that semeth riytful to a man; and the laste thingis therof leden to deth. Proverbs 16:26 The soule of a man trauelinge trauelith to hym silf; for his mouth compellide hym. Proverbs 16:27 An vnwijs man diggith yuel; and fier brenneth in hise lippis. Proverbs 16:28 A weiward man reisith stryues; and a man ful of wordis departith princis. Proverbs 16:29 A wickid man flaterith his frend; and ledith hym bi a weie not good. Proverbs 16:30 He that thenkith schrewid thingis with iyen astonyed, bitith hise lippis, and parformeth yuel. Proverbs 16:31 A coroun of dignyte is eelde, that schal be foundun in the weies of riytfulnesse. Proverbs 16:32 A pacient man is betere than a stronge man; and he that is lord of his soule, is betere than an ouercomere of citees. Proverbs 16:33 Lottis ben sent into the bosum; but tho ben temperid of the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook