Wycliffe Bible

Proverbs 12

Sundry observations of moral virtues, and their contrary vices (10-24).

Proverbs 12:1 He that loueth chastisyng, loueth kunnyng; but he that hatith blamyngis, is vnwijs. Proverbs 12:2 He that is good, schal drawe to hym silf grace of the Lord; but he that tristith in hise thouytis, doith wickidli. Proverbs 12:3 A man schal not be maad strong by wyckidnesse; and the root of iust men schal not be moued. Proverbs 12:4 A diligent womman is a coroun to hir hosebond; and rot is in the boonys of that womman, that doith thingis worthi of confusioun. Proverbs 12:5 The thouytis of iust men ben domes; and the counselis of wickid men ben gileful. Proverbs 12:6 The wordis of wickid men setten tresoun to blood; the mouth of iust men schal delyuere hem. Proverbs 12:7 Turne thou wickid men, and thei schulen not be; but the housis of iust men schulen dwelle perfitli. Proverbs 12:8 A man schal be knowun bi his teching; but he that is veyn and hertles, schal be open to dispising. Proverbs 12:9 Betere is a pore man, and sufficient to him silf, than a gloriouse man, and nedi of breed. Proverbs 12:10 A iust man knowith the soulis of hise werk beestis; but the entrailis of wickid men ben cruel. Proverbs 12:11 He that worchith his lond, schal be fillid with looues; but he that sueth idilnesse, is moost fool. He that is swete, lyueth in temperaunces; and in hise monestyngis he forsakith dispisyngis. Proverbs 12:12 The desir of a wickid man is the memorial of worste thingis; but the roote of iust men schal encreesse. Proverbs 12:13 For the synnes of lippis falling doun neiyeth to an yuel man; but a iust man schal scape fro angwisch. Proverbs 12:14 Of the fruyt of his mouth ech man schal be fillid with goodis; and bi the werkis of hise hondis it schal be yoldun to him. Proverbs 12:15 The weie of a fool is riytful in hise iyen; but he that is wijs, herith counsels. Proverbs 12:16 A fool schewith anoon his ire; but he that dissymelith wrongis, is wijs. Proverbs 12:17 He that spekith that, that he knowith, is a iuge of riytfulnesse; but he that lieth, is a gileful witnesse. Proverbs 12:18 A man is that bihetith, and he is prickid as with the swerd of conscience; but the tunge of wise men is helthe. Proverbs 12:19 The lippe of treuthe schal be stidfast with outen ende; but he that is a sudeyn witnesse, makith redi the tunge of leesyng. Proverbs 12:20 Gile is in the herte of hem that thenken yuels; but ioye sueth hem, that maken counsels of pees. Proverbs 12:21 What euere bifallith to a iust man, it schal not make hym sori; but wickid men schulen be fillid with yuel. Proverbs 12:22 False lippis is abhominacioun to the Lord; but thei that don feithfuli, plesen him. Proverbs 12:23 A fel man hilith kunnyng; and the herte of vnwise men stirith foli. Proverbs 12:24 The hond of stronge men schal haue lordschip; but the hond that is slow, schal serue to tributis. Proverbs 12:25 Morenynge in the herte of a iust man schal make hym meke; and he schal be maad glad bi a good word. Proverbs 12:26 He that dispisith harm for a frend, is a iust man; but the weie of wickid men schal disseyue hem. Proverbs 12:27 A gileful man schal not fynde wynnyng; and the substaunce of man schal be the prijs of gold. Proverbs 12:28 Lijf is in the path of riytfulnesse; but the wrong weie leedith to deeth.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook