Wycliffe Bible

Philippians 4

From particular admonitions

Philippians 4:1 Therfor, my britheren most dereworthe and most desirid, my ioye and my coroun, so stonde ye in the Lord, most dere britheren. Philippians 4:2 Y preye Eucodiam, and biseche Synticem, to vndurstonde the same thing in the Lord. Philippians 4:3 Also Y preye and thee, german felow, helpe thou the ilke wymmen that traueliden with me in the gospel, with Clement and othere myn helperis, whos names ben in the book of lijf.

he proceedeth to general exhortations,

Philippians 4:4 Ioye ye in the Lord euere more; eft Y seie, ioye ye. Philippians 4:5 Be youre pacyence knowun to alle men; the Lord is niy. Philippians 4:6 Be ye nothing bisi, but in al preyer and biseching, with doyng of thankyngis, be youre axyngis knowun at God. Philippians 4:7 And the pees of God, that passith al wit, kepe youre hertis and vndurstondingis in Crist Jhesu. Philippians 4:8 Fro hennus forth, britheren, what euere thingis ben sothe, what euere thingis chast, what euere thingis iust, what euere thingis hooli, what euere thingis able to be louyd, what euere thingis of good fame, if ony vertu, if ony preising of discipline, thenke ye these thingis, Philippians 4:9 that also ye han lerud, and take, and heed, and seyn in me. Do ye these thingis, and God of pees schal be with you.

shewing how he rejoiced at their liberality towards him lying in prison, not so much for the supply of his own wants, as for the grace of God in them.

Philippians 4:10 But Y ioyede greetli in the Lord, that sum tyme aftirward ye floureden ayen to feele for me, as also ye feeliden. But ye weren ocupied, Y seie not as for nede, Philippians 4:11 for Y haue lerud to be sufficient in whiche thingis Y am. Philippians 4:12 And Y can also be lowid, Y can also haue plentee. Euery where and in alle thingis Y am tauyt to be fillid, and to hungur, and to abounde, and to suffre myseiste. Philippians 4:13 Y may alle thingis in hym that coumfortith me. Philippians 4:14 Netheles ye han doon wel, comynynge to my tribulacioun. Philippians 4:15 For and ye, Filipensis, witen, that in the bigynnyng of the gospel, whanne Y wente forth fro Macedonye, no chirche comynede with me in resoun of thing youun and takun, but ye aloone. Philippians 4:16 Whiche senten to Tessalonyk onys and twies also in to vss to me. Philippians 4:17 Not for Y seke yifte, but Y requyre fruyt aboundinge in youre resoun. Philippians 4:18 For Y haue alle thingis, and abounde; Y am fillid with tho thingis takun of Epafrodite, whiche ye senten in to the odour of swetnesse, a couenable sacrifice, plesynge to God.

And so he concludeth with prayer and salutations.

Philippians 4:19 And my God fil alle youre desire, by hise richessis in glorie in Crist Jhesu. Philippians 4:20 But to God and oure fadir be glorie in to worldis of worldis. Amen. Philippians 4:21 Grete ye wel euery hooli man in Crist Jhesu. Tho britheren that ben with me, greten you wel. Philippians 4:22 Alle hooli men greten you wel, moost sotheli thei that ben of the emperouris hous. Philippians 4:23 The grace of oure Lord Jhesu Crist be with youre spirit. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook