Wycliffe Bible

Philemon 1

Philemon 1:1 Poul, the boundun of Crist Jhesu, and Timothe, brother, to Filemon, bilouyd, and oure helpere, and to Appia, Philemon 1:2 most dere sister, and to Archip, oure euene kniyt, and to the chirche that is in thin hous, Philemon 1:3 grace be to you, and pees of God oure fader, and of the Lord Jhesu Crist.

He rejoiceth to hear of the faith and love of Philemon,

Philemon 1:4 I do thankingis to my God, euere more makinge mynde of thee in my preieris, Philemon 1:5 heringe thi charite and feith, that thou hast in the Lord Jhesu, and to alle hooli men, Philemon 1:6 that the comynyng of thi feith be maad opyn, in knowing of al good thing in Crist Jhesu. Philemon 1:7 And Y hadde greet ioye and coumfort in thi charite, for the entrailis of hooli men restiden bi thee, brother. Philemon 1:8 For which thing Y hauynge myche trist in Crist Jhesu, to comaunde to thee that that perteyneth to profit;

whom he desireth to forgive his servant Onesimus, and lovingly to receive him again.

Philemon 1:9 but Y biseche more for charite, sithen thou art siche as the elde Poul, and now the boundun of Jhesu Crist. Philemon 1:10 Y biseche thee for my sone Onesyme, whom Y in boondis bigat, Philemon 1:11 which sumtyme was vnprofitable to thee, but now profitable bothe to thee and to me; Philemon 1:12 whom Y sente ayen to thee. And resseyue thou hym as myn entrailis; Philemon 1:13 whom Y wolde withholde with me, that he schulde serue for thee to me in boondis of the gospel; Philemon 1:14 but with out thi counseil Y wolde not do ony thing, that thi good schulde not be as of nede, but wilful. Philemon 1:15 For perauenture therfor he departide fro thee for a tyme, that thou schuldist resseyue hym with outen ende; Philemon 1:16 now not as a seruaunt, but for a seruaunt a most dere brother, most to me; and how myche more to thee, bothe in fleisch and in the Lord? Philemon 1:17 Therfor if thou hast me a felowe, resseyue hym as me; Philemon 1:18 for if he hath ony thing anoied thee, ethir owith, arette thou this thing to me. Philemon 1:19 Y Poul wroot with myn hoond, Y schal yelde; that Y seie not to thee, that also thou owist to me thi silf. Philemon 1:20 So, brothir, Y schal vse thee in the Lord; fille thou myn entrails in Crist. Philemon 1:21 Y tristnynge of thin obedience wroot to thee, witynge that thou schalt do ouer that that Y seie. Philemon 1:22 Also make thou redi to me an hous to dwelle in; for Y hope that bi youre preyeris Y schal be youun to you. Philemon 1:23 Epafras, prisoner with me in Crist Jhesu, Philemon 1:24 greetith thee wel, and Mark, Aristark, Demas, Lucas, myn helperis. Philemon 1:25 The grace of oure Lord Jhesu Crist be with youre spirit. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook