Wycliffe Bible

Numbers 34

The borders of the land.

Numbers 34:1 And the Lord spak to Moises, and seide, Numbers 34:2 Comaunde thou to the sones of Israel, and thou schalt seie to hem, Whanne ye han entrid in to the lond of Canaan, and it bifelde in to possessioun to you bi lot, it schal be endid bi these endis. Numbers 34:3 The south part schal bigynne at the wildirnesse of Syn, which is bisidis Edom, and it schal haue termes ayens the eest, Numbers 34:4 the saltiste see, whiche termes schulen cumpasse the south coost bi the stiynge of Scorpioun, that is, of an hil clepid Scorpioun, so that tho passe in to Senna, and come to the south, til to Cades Barne; fro whennus the coostis schulen go out to the town, Abdar bi name, and schulen strecche forth til to Asemona; Numbers 34:5 and the terme schal go bi cumpas fro Assemona til to the stronde of Egipt, and it schal be endid bi the brynke of the grete see. Numbers 34:6 Forsothe the west coost schal bigynne at the greet see, and schal be closid bi that ende. Numbers 34:7 Sotheli at the north coost, the termes schulen bigynne at the greet see, and schulen come til to the hiyeste hil, Numbers 34:8 fro which tho schulen come in to Emath, til to the termes of Sedada;

Numbers 34:9 and the coostis schulen go til to Ephrona, and the town of Enan. These schulen be the termes in the north part. Numbers 34:10 Fro thennus thei schulen mete coostis ayens the eest coost, fro the town Henan til to Sephama; Numbers 34:11 and fro Sephama termes schulen go doun in to Reblatha, ayens the welle of Daphnyn; fro thennus tho schulen come ayens the eest to the se of Cenereth; Numbers 34:12 and tho schulen strecche forth til to Jordan, and at the laste tho schulen be closid with the salteste see. Ye schulen haue this lond bi hise coostis in cumpas. Numbers 34:13 And Moises comaundide to the sones of Israel, and seide, This schal be the lond which ye schulen welde bi lot, and which the Lord comaundide to be youun to nyne lynagis and to the half lynage; Numbers 34:14 for the lynage of the sones of Ruben, bi her meynees, and the lynage of the sones of Gad, bi kynrede and noumbre, and half the lynage of Manasses, Numbers 34:15 that is, twey lynagis and an half, han take her part ouer Jordan, ayens Jerico, at the eest coost.

The names of the men which shall divide the land.

Numbers 34:16 And the Lord seide to Moises, Numbers 34:17 These ben the names of men that schulen departe the lond to you, Eleazar, preest, and Josue, the sone of Nun, Numbers 34:18 and of each lynage, o prynce; Numbers 34:19 of whiche these ben the names, of the lynage of Juda, Caleph, the sone of Jephone; Numbers 34:20 of the lynage of Symeon, Samuhel, the sone of Amyud; Numbers 34:21 of the lynage of Beniamyn, Heliad, sone of Casselon; Numbers 34:22 of the lynage of the sones of Dan, Bochi, sone of Jogli; of the sones of Joseph, Numbers 34:23 of the lynage of Manasses, Hamyel, sone of Ephoth; Numbers 34:24 of the lynage of Effraym, Camuhel, sone of Septhan; Numbers 34:25 of the lynage of Zabulon, Elisaphan, sone of Pharnat; Numbers 34:26 of the lynage of Isacar, duyk Phaltiel, the sone of Ozan; Numbers 34:27 of the lynage of Azer, Abyud, the sone of Salomy; Numbers 34:28 of the lynage of Neptalym, Fedahel, the sone of Amyud. Numbers 34:29 These men it ben, to whiche the Lord comaundide, that thei schulden departe to the sones of Israel the lond of Chanaan.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook