Numbers 10
The use of the silver trumpets.
Numbers 10:1 And the Lord spak to Moises, and seide, Numbers 10:2 Make to thee twei siluerne trumpis betun out with hameris, bi whiche thou maist clepe togidere the multitude, whanne the tentis schulen be moued. Numbers 10:3 And whanne thou schalt sowne with trumpis, al the cumpeny schal be gaderid to thee at the dore of the tabernacle of the boond of pees. Numbers 10:4 If thou schalt sowne onys, the princes and the heedis of the multitude of Israel schulen come to thee; Numbers 10:5 but if a lengere and departid trumpyng schal sowne, thei that ben at the eest coost schulen moue tentis first. Numbers 10:6 Forsothe in the secounde sown and lijk noise of the trumpe thei that dwellen at the south schulen reise tentis; and bi this maner othere men schulen do, whanne the trumpis schulen sowne in to goyng forth. Numbers 10:7 Forsothe whanne the puple schal be gederid to gidere, symple cry of trumpis schal be, and tho schulen not sowne departyngli. Numbers 10:8 The sones of Aaron preest schulen sowne with trumpis, and this schal be a lawful thing euerlastynge in youre generaciouns. Numbers 10:9 If ye schulen go out of youre lond to batel ayens enemyes that fiyten ayens you, ye schulen crye with trumpis sownynge, and the bithenkyng of you schal be bifor youre Lord God, that ye be delyuered fro the hondis of youre enemyes. Numbers 10:10 If ony tyme ye schulen haue a feeste, and halidaies, and calendis, ye schulen synge in trumpis on brent sacrifices and pesible sacrifices, that tho be to you in to remembryng of youre God; Y am youre Lord God.
The Israelites remove from Sinai to Paran.
Numbers 10:11 In the secounde yeer, in the secounde monethe, in the twentithe dai of the monethe, the cloude was reisid fro the tabernacle of boond of pees. Numbers 10:12 And the sones of Israel yeden forth bi her cumpenyes fro deseert of Synay; and the cloude restide in the wildirnesse of Faran. Numbers 10:13 And the sones of Juda bi her cumpenyes, of whiche the prince was Naason, the sone of Amynadab, moueden first tentis,
The order of their march.
Numbers 10:14 bi the Lordis comaundement maad in the hond of Moises. Numbers 10:15 In the lynage of the sones of Ysacar the prince was Nathanael, the sone of Suar. Numbers 10:16 In the lynage of Sabulon the prince was Heliab, the sone of Helon. Numbers 10:17 And the tabernacle was takun doun, which the sones of Gerson and of Merary baren, and yeden out.
Numbers 10:18 And the sones of Ruben yeden forth bi her cumpenyes and ordre, of whiche the prince was Helisur, the sone of Sedeur. Numbers 10:19 Forsothe in the lynage of the sones of Symeon the prince was Salamyel, the sone of Surisaddai. Numbers 10:20 Sotheli in the lynage of Gad the prince was Helisaphath, the sone of Duel. Numbers 10:21 And the sones of Caath yeden forth, and baren the seyntuarie; so longe the tabernacle was borun, til thei camen to the place of reisyng therof.
Numbers 10:22 Also the sones of Effraym, bi her cumpanyes, moueden tentis, in whos oost the prince was Elisama, the sone of Amyud. Numbers 10:23 Forsothe in the lynage of the sones of Manasses the prince was Gamaliel, the sone of Phadussur. Numbers 10:24 And in the lynage of Beniamyn the duk was Abidan, the sone of Gedeon.
Numbers 10:25 The sones of Dan, bi her cumpenyes, yeden forth the laste of alle tentis, in whos oost the prince was Aizer, the sone of Amysaddai. Numbers 10:26 Sotheli in the lynage of the sones of Aser the prince was Phegiel, the sone of Ochran. Numbers 10:27 And in the lynage of the sones of Neptalym the prince was Haira, the sone of Henan. Numbers 10:28 These ben the castels and the goinges forth of the sones of Israel, bi her cumpenyes, whanne thei yeden out.
Hobab is intreated by Moses not to leave them.
Numbers 10:29 And Moises seide to Heliab, the sone of Raguel, of Madian, his alie ethir fadir of his wijf, We goon forth to the place which the Lord schal yyue to vs; come thou with vs, that we do wel to thee, for the Lord bihiyte goode thingis to Israel. Numbers 10:30 To whom he answeride, Y schal not go with thee, but Y schal turne ayen in to my lond, in which Y was borun. Numbers 10:31 And Moises seide, Nyle thou forsake vs, for thou knowist in whiche places we owen to sette tentis, and thou schalt be oure ledere; Numbers 10:32 and whanne thou schalt come with vs, what euer thing schal be the beste of the richessis whiche the Lord schal yyue to vs, we schulen yyue to thee.
The blessing of Moses at the removing and resting of the Ark.
Numbers 10:33 And therfor thei yeden forth fro the hil of the Lord the weie of thre daies; and the arke of boond of pees of the Lord yede bifor hem, bi thre daies, and purueyde the place of tentis. Numbers 10:34 And the cloude of the Lord was on hem bi day, whanne thei yeden. Numbers 10:35 And whanne the arke was reisid, Moises seide, Ryse thou, Lord, and thin enemyes be scaterid, and thei that haten thee, fle fro thi face; Numbers 10:36 forsothe whanne the arke was put doun, he seide, Lord, turne ayen to the multitude of the oost of Israel.
|
