Wycliffe Bible

Matthew 26

The rulers conspire against Christ.

Matthew 26:1 And it was doon, whanne Jhesus hadde endid alle these wordis, he seide to hise disciplis, Matthew 26:2 Ye witen, that aftir twei daies pask schal be maad, and mannus sone schal be bitakun to be crucified. Matthew 26:3 Than the princes of prestis and the elder men of the puple were gaderid in to the halle of the prince of prestis, that was seid Cayfas, Matthew 26:4 and maden a counsel to holde Jhesu with gile, and sle him; Matthew 26:5 but thei seiden, Not in the haliday, lest perauenture noyse were maad in the puple.

The woman anointeth his head.

Matthew 26:6 And whanne Jhesus was in Betanye, in the hous of Symount leprous, Matthew 26:7 a womman that hadde a box of alabastre of precious oynement, cam to hym, and schedde out on the heed of hym restynge. Matthew 26:8 And disciplis seynge hadden dedeyn, and seiden, Wherto this loss? Matthew 26:9 for it myyte be seld for myche, and be youun to pore men. Matthew 26:10 But Jhesus knewe, and seide to hem, What ben ye heuy to this womman? for sche hath wrouyt in me a good werk. Matthew 26:11 For ye schulen euere haue pore men with you, but ye schulen not algatis haue me. Matthew 26:12 This womman sendynge this oynement in to my bodi, dide to birie me. Matthew 26:13 Treuli Y seie to you, where euer this gospel schal be prechid in al the world, it schal be seid, that sche dide this, in mynde of hym.

Judas selleth him.

Matthew 26:14 Thanne oon of the twelue, that was clepid Judas Scarioth, wente forth to the princis of prestis, Matthew 26:15 and seide to hem, What wolen ye yyue to me, and Y schal bitake hym to you? And thei ordeyneden to hym thretti pans of siluer. Matthew 26:16 And fro that tyme he souyte oportunyte, to bitraye hym.

Christ eateth the Passover:

Matthew 26:17 And in the firste dai of therf looues the disciplis camen to Jhesu, and seiden, Where wolt thou we make redi to thee, to ete paske? Matthew 26:18 Jhesus seide, Go ye into the citee to sum man, and seie to hym, The maistir seith, My tyme is nyy; at thee Y make paske with my disciplis. Matthew 26:19 And the disciplis diden, as Jhesus comaundide to hem; and thei maden the paske redi. Matthew 26:20 And whanne euentid was come, he sat to mete with hise twelue disciplis. Matthew 26:21 And he seide to hem, as thei eten, Treuli Y seie to you, that oon of you schal bitraye me. Matthew 26:22 And thei ful sori bigunnen ech bi hym silf to seie, Lord, whether Y am? Matthew 26:23 And he answeride, and seide, He that puttith with me his hoond in the plater, schal bitraye me. Matthew 26:24 Forsothe mannus sone goith, as it is writun of hym; but wo to that man, bi whom mannus sone schal be bitrayed; it were good to hym, if that man hadde not be borun. Matthew 26:25 But Judas that bitraiede hym, answeride, seiynge, Maister, whether Y am? Jhesus seide to hym, Thou hast seid.

instituteth his holy supper:

Matthew 26:26 And while thei soupeden, Jhesus took breed, and blesside, and brak, and yaf to hise disciplis, and seide, Take ye, and ete; this is my body. Matthew 26:27 And he took the cuppe, and dide thankyngis, and yaf to hem, and seide, Drynke ye alle herof; Matthew 26:28 this is my blood of the newe testament, which schal be sched for many, in to remissioun of synnes. Matthew 26:29 And Y seie to you, Y schal not drynke fro this tyme, of this fruyt of the vyne, in to that dai whanne Y schal drynke it newe with you, in the kyngdom of my fadir. Matthew 26:30 And whanne the ympne was seid, thei wenten out in to the mount of Olyuete. Matthew 26:31 Thanne Jhesus seide to hem, Alle ye schulen suffre sclaundre in me, in this niyt; for it is writun, Y schal smyte the scheeperde, and the scheep of the flok schulen be scaterid. Matthew 26:32 But aftir that Y schal rise ayen, Y schal go bifore you in to Galilee. Matthew 26:33 Petre answeride, and seide to hym, Thouy alle schulen be sclaundrid in thee, Y schal neuer be sclaundrid. Matthew 26:34 Jhesus seide to him, Treuli Y seie to thee, for in this nyyt bifor the cok crowe, thries thou schalt denye me. Matthew 26:35 Peter seide to him, Yhe, thouy it bihoue that Y die with thee, Y schal not denye thee. Also alle the disciplis seiden.

prayeth in the garden:

Matthew 26:36 Thanne Jhesus cam with hem in to a toun, that is seid Jessamanye. And he seide to his disciplis, Sitte ye here, the while Y go thider, and preye. Matthew 26:37 And whanne he hadde take Peter, and twei sones of Zebedee, he bigan to be heuy and sori. Matthew 26:38 Thanne he seide to hem, My soule is soreuful to the deeth; abide ye here, and wake ye with me. Matthew 26:39 And he yede forth a litil, and felde doun on his face, preiynge, and seiynge, My fader, if it is possible, passe this cuppe fro me; netheles not as Y wole, but as thou wolt. Matthew 26:40 And he cam to his disciplis, and foond hem slepynge. And he seide to Petir, So, whethir ye myyten not oon our wake with me? Matthew 26:41 Wake ye, and preye ye, that ye entre not in to temptacioun; for the spirit is redi, but the fleisch is sijk. Matthew 26:42 Eft the secounde tyme he wente, and preyede, seiynge, My fadir, if this cuppe may not passe, but Y drynke hym, thi wille be doon. Matthew 26:43 And eftsoone he cam, and foond hem slepynge; for her iyen weren heuyed. Matthew 26:44 And he lefte hem, and wente eftsoone, and preiede the thridde tyme, and seide the same word. Matthew 26:45 Thanne he cam to his disciplis, and seide to hem, Slepe ye now, and reste ye; loo! the our hath neiyed, and mannus sone schal be takun in to the hondis of synneris; Matthew 26:46 rise ye, go we; loo! he that schal take me, is nyy.

and being betrayed with a kiss,

Matthew 26:47 Yit the while he spak, lo! Judas, oon of the twelue, cam, and with hym a greet cumpeny, with swerdis and battis, sent fro the princis of prestis, and fro the eldre men of the puple. Matthew 26:48 And he that bitraiede hym, yaf to hem a tokene, and seide, Whom euer Y schal kisse, he it is; holde ye hym. Matthew 26:49 And anoon he cam to Jhesu, and seid, Haile, maister; Matthew 26:50 and he kisside hym. And Jhesus seide to hym, Freend, wherto art thou comun? Thanne thei camen niy, and leiden hoondis on Jhesu, and helden hym. Matthew 26:51 And lo! oon of hem that weren with Jhesu, streiyte out his hoond, and drouy out his swerd; and he smoot the seruaunt of the prince of prestis, and kitte of his ere. Matthew 26:52 Thanne Jhesus seide to hym, Turne thi swerd in to his place; for alle that taken swerd, schulen perische bi swerd. Matthew 26:53 Whether gessist thou, that Y may not preie my fadir, and he schal yyue to me now mo than twelue legiouns of aungels? Matthew 26:54 Hou thanne schulen the scriptures be fulfilled? for so it bihoueth to be doon. Matthew 26:55 In that our Jhesus seide to the puple, As to a theef ye han gon out, with swerdis and battis, to take me; dai bi dai Y sat among you, and tauyt in the temple, and ye helden me not. Matthew 26:56 But al this thing was don, that the scripturis of profetis schulden be fulfillid. Thanne alle the disciplis fledden, and leften hym.

is carried to Caiaphas,

Matthew 26:57 And thei helden Jhesu, and ledden hym to Cayfas, the prince of prestis, where the scribis and the Farisees, and the eldre men of the puple weren comun togidere. Matthew 26:58 But Petir swede him afer, in to the halle of the prince of prestis; and he wente in, and sat with the seruauntis, to se the ende. Matthew 26:59 And the prince of prestis, and al the counsel souyten fals witnessing ayens Jhesu, that thei schulden take hym to deeth; Matthew 26:60 and thei founden not, whanne manye false witnessis weren comun. But at the laste, twei false witnessis camen, Matthew 26:61 and seiden, This seide, Y may distruye the temple of God, and after the thridde dai bilde it ayen. Matthew 26:62 And the prince of prestis roos, and seide to hym, Answerist thou no thing to tho thingis, that these witnessen ayens thee? Matthew 26:63 But Jhesus was stille. And the prince of prestis seide to hym, Y coniure thee bi lyuynge God, that thou seie to vs, if thou art Crist, the sone of God. Matthew 26:64 Jhesus seide to him, Thou hast seid; netheles Y seie to you, fro hennus forth ye schulen se mannus sone sittinge at the riythalf of the vertu of God, and comynge in the cloudis of heuene. Matthew 26:65 Thanne the prince of prestis to-rente his clothis, and seide, He hath blasfemed; what yit han we nede to witnessis? lo! now ye han herd blasfemye; what semeth to you? Matthew 26:66 And thei answeriden, and seiden, He is gilti of deeth. Matthew 26:67 Thanne thei speten in to his face, and smyten hym with buffatis; and othere yauen strokis with the pawme of her hondis in his face, Matthew 26:68 and seide, Thou Crist, arede to vs, who is he that smoot thee?

and denied of Peter.

Matthew 26:69 And Petir sat with outen in the halle; and a damysel cam to hym, and seide, Thou were with Jhesu of Galilee. Matthew 26:70 And he denyede bifor alle men, and seide, Y woot not what thou seist. Matthew 26:71 And whanne he yede out at the yate, another damysel say hym, and seide to hem that weren there, And this was with Jhesu of Nazareth. Matthew 26:72 And eftsoone he denyede with an ooth, For I knewe not the man. Matthew 26:73 And a litil aftir, thei that stooden camen, and seiden to Petir, Treuli thou art of hem; for thi speche makith thee knowun. Matthew 26:74 Thanne he bigan to warie and to swere, that he knewe not the man. And anoon the cok crewe. Matthew 26:75 And Petir bithouyte on the word of Jhesu, that he hadde seid, Bifore the cok crowe, thries thou schalt denye me. And he yede out, and wepte bitterli.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook