Wycliffe Bible

Matthew 15

Matthew 15:1 Thanne the scribis and the Farisees camen to hym fro Jerusalem, and seiden, Matthew 15:2 Whi breken thi disciplis the tradiciouns of eldere men? for thei waisschen not her hondis, whanne thei eten breed.

Christ reproveth the scribes and Pharisees for transgressing God's Commandments through their own traditions:

Matthew 15:3 He answeride, and seide to hem, Whi breken ye the maundement of God for youre tradicioun? Matthew 15:4 For God seide, Honoure thi fadir and thi modir, and he that cursith fadir or modir, die bi deeth. Matthew 15:5 But ye seien, Who euer seith to fadir or modir, What euere yifte is of me, it schal profite to thee; Matthew 15:6 and he hath not worschipid his fadir or his modir; and ye han maad the maundement of God voide for youre tradicioun. Matthew 15:7 Ypocritis, Isaie, the prophete, prophesiede wel of you, and seide, Matthew 15:8 This puple honourith me with lippis, but her herte is fer fro me; Matthew 15:9 and thei worschipen me with outen cause, techynge the doctrines and maundementis of men.

Matthew 15:10 And whanne the puple weren clepid to gidere to hym, he seide to hem, Here ye, and vndurstonde ye.

teacheth how that which goeth into the mouth doth not defile a man.

Matthew 15:11 That thing that entrith in to the mouth, defoulith not a man; but that thing that cometh out of the mouth, defoulith a man. Matthew 15:12 Thanne hise disciplis camen, and seiden to hym, Thou knowist, that, if this word be herd, the Farisees ben sclaundrid? Matthew 15:13 And he answeride, and seide, Eueri plauntyng, that my fadir of heuene hath not plauntid, shal be drawun vp by the roote. Matthew 15:14 Suffre ye hem; thei ben blynde, and leederis of blynde men. And if a blynd man lede a blynd man, bothe fallen doun in to the diche. Matthew 15:15 Petre answeride, and seide to hym, Expowne to vs this parable. Matthew 15:16 And he seide, Yit ye ben also with oute vndurstondyng? Matthew 15:17 Vndurstonden ye not, that al thing that entrith in to the mouth, goith in to the wombe, and is sent out in to the goyng awei? Matthew 15:18 But tho thingis that comen forth fro the mouth, goon out of the herte, and tho thingis defoulen a man. Matthew 15:19 For of the herte goon out yuele thouytis, mansleyngis, auowtries, fornycaciouns, theftis, fals witnessyngis, blasfemyes. Matthew 15:20 Thes thingis it ben that defoulen a man; but to ete with hondis not waischun, defoulith not a man.

He healeth the daughter of the woman of Canaan,

Matthew 15:21 And Jhesus yede out fro thennus, and wente in to the coostis of Tire and Sidon. Matthew 15:22 And lo! a womman of Canane yede out of tho coostis, and criede, and seide to him, Lord, the sone of Dauid, haue merci on me; my douyter is yuel traueilid of a feend. Matthew 15:23 And he answeride not to hir a word. And hise disciplis camen, and preieden hym, and seiden, Leue thou hir, for she crieth aftir vs. Matthew 15:24 He answeride, and seide, Y am not sent, but to the scheep of the hous of Israel that perischiden. Matthew 15:25 And she cam, and worschipide hym, and seide, Lord, helpe me. Matthew 15:26 Which answeride, and seide, It is not good to take the breed of children, and caste to houndis. Matthew 15:27 And she seide, Yhis, Lord; for whelpis eten of the crummes, that fallen doun fro the bord of her lordis. Matthew 15:28 Thanne Jhesus answeride, and seide to hir, A! womman, thi feith is greet; be it doon to thee, as thou wolt. And hir douytir was helid fro that hour. Matthew 15:29 And whanne Jhesus hadde passed fro thennus, he cam bisidis the see of Galilee. And he yede vp in to an hil, and sat there.

and other great multitudes:

Matthew 15:30 And myche puple cam to hym, and hadden with hem doumbe men and crokid, feble and blynde, and many other; and thei castiden doun hem at hise feet. And he helide hem, Matthew 15:31 so that the puple wondriden seynge doumbe men spekynge, and crokid goynge, blynde men seynge; and thei magnyfieden God of Israel.

and with seven loaves and a few little fishes feedeth four thousand men, beside women and children.

Matthew 15:32 And Jhesus, whanne hise disciplis weren clepid to gidere, seide to hem, Y haue reuthe of the puple, for thei han abiden now thre daies with me, and han no thing to ete; and Y wole not leeue hem fastynge, lest thei failen in the weie. Matthew 15:33 And the disciplis seien to him, Wherof thanne so many looues among vs in desert, to fulfille so greet a puple? Matthew 15:34 And Jhesus seide to hem, Hou many looues han ye? And thei seiden, Seuene, and a fewe smale fisshis. Matthew 15:35 And he comaundide to the puple, to sitte to mete on the erthe. Matthew 15:36 And he took seuene looues and fyue fischis, and dide thankyngis, and brak, and yaf to hise disciplis; and the disciplis yauen to the puple. Matthew 15:37 And alle eten, and weren fulfillid, and thei token that that was left of relifes, seuene lepis fulle. Matthew 15:38 And thei that eten weren foure thousynde of men, with outen litle children and wymmen. Matthew 15:39 And whanne he hadde left the puple, he wente vp in to a boot, and cam in to the coostis of Magedan.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook