Wycliffe Bible

Matthew 11

Matthew 11:1 And it was doon, whanne Jhesus hadde endid, he comaundide to hise twelue disciplis, and passide fro thennus to teche and preche in the citees of hem.

John sendeth his disciples to Christ.

Matthew 11:2 But whanne Joon in boondis hadde herd the werkis of Crist, he sente tweyne of hise disciplis, Matthew 11:3 and seide to him, Art thou he that schal come, or we abiden another? Matthew 11:4 And Jhesus answeride, and seide to hem, Go ye, and telle ayen to Joon tho thingis that ye han herd and seyn. Matthew 11:5 Blynde men seen, crokid men goon, meselis ben maad clene, deefe men heren, deed men rysen ayen, pore men ben takun to prechyng of the gospel. Matthew 11:6 And he is blessid, that shal not be sclaundrid in me.

Christ's testimony concerning John.

Matthew 11:7 And whanne thei weren goon awei, Jhesus bigan to seie of Joon to the puple, What thing wenten ye out in to desert to se? a reed wawed with the wynd? Matthew 11:8 Or what thing wenten ye out to see? a man clothid with softe clothis? Lo! thei that ben clothid with softe clothis ben in the housis of kyngis. Matthew 11:9 But what thing wenten ye out to se? a prophete? Yhe, Y seie to you, and more than a prophete. Matthew 11:10 For this is he, of whom it is writun, Lo! Y sende myn aungel bifor thi face, that shal make redi thi weye bifor thee. Matthew 11:11 Treuli Y seie to you, ther roos noon more than Joon Baptist among the children of wymmen; but he that is lesse in the kyngdom of heuenes, is more than he. Matthew 11:12 And fro the daies of Joon Baptist til now the kyngdom of heuenes suffrith violence, and violent men rauyschen it. Matthew 11:13 For alle prophetis and the lawe til to Joon prophecieden; Matthew 11:14 and if ye wolen resseyue, he is Elie that is to come. Matthew 11:15 He that hath eris of heryng, here he.

The opinion of the people, both concerning John and Christ.

Matthew 11:16 But to whom schal Y gesse this generacioun lijk? It is lijk to children sittynge in chepyng, that crien to her peeris, Matthew 11:17 and seien, We han songun to you, and ye han not daunsid; we han morned to you, and ye han not weilid. Matthew 11:18 For Joon cam nether etynge ne drynkynge, and thei seien, He hath a deuel. Matthew 11:19 The sone of man cam etynge and drynkynge, and thei seien, Lo! a man a glotoun, and a drinkere of wijne, and a freend of pupplicans and of synful men. And wisdom is iustified of her sones.

Christ upbraideth the unthankfulness and unrepentance of Chorazin, Bethsaida, and Capernaum:

Matthew 11:20 Thanne Jhesus bigan to seye repreef to citees, in whiche ful manye vertues of him weren doon, for thei diden not penaunce. Matthew 11:21 Wo to thee! Corosaym, woo to thee! Bethsaida; for if the vertues that ben doon in you hadden be doon in Tyre and Sidon, sumtyme thei hadden don penaunce in heyre and aische. Matthew 11:22 Netheles Y seie to you, it schal be lesse peyne to Tire and Sidon in the dai of doom, than to you. Matthew 11:23 And thou, Cafarnaum, whethir thou schalt be arerid vp in to heuene? Thou shalt go doun in to helle. For if the vertues that ben don in thee, hadden be don in Sodom, perauenture thei schulden haue dwellid in to this dai. Matthew 11:24 Netheles Y seie to you, that to the lond of Sodom it schal be lesse peyne in the dai of doom, than to thee.

and praising his Father's wisdom in revealing the Gospel to the simple,

Matthew 11:25 In thilke tyme Jhesus answeride, and seide, Y knowleche to thee, fadir, lord of heuene and of erthe, for thou hast hid these thingis fro wijse men, and redi, and hast schewid hem to litle children; Matthew 11:26 so, fadir, for so it was plesynge tofore thee. Matthew 11:27 Alle thingis ben youune to me of my fadir; and no man knewe the sone, but the fadir, nethir ony man knewe the fadir, but the sone, and to whom the sone wolde schewe.

he calleth to him all such as feel the burden of their sins.

Matthew 11:28 Alle ye that traueilen, and ben chargid, come to me, and Y schal fulfille you. Matthew 11:29 Take ye my yok on you, and lerne ye of me, for Y am mylde and meke in herte; and ye schulen fynde reste to youre soulis. Matthew 11:30 For my yok is softe, and my charge liyt.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook