Wycliffe Bible

Malachi 3

Of the messenger, majesty, and grace of Christ.

Malachi 3:1 Lo! Y sende myn aungel, and he schal make redi weie bifor my face; and anoon the lordshipere, whom ye seken, schal come to his hooli temple, and the aungel of testament, whom ye wolen. Lo! he cometh, seith the Lord of oostis; Malachi 3:2 and who schal mowe thenke the dai of his comyng? and who schal stonde for to se hym? For he schal be as fier wellynge togidere, and as erbe of fulleris; Malachi 3:3 and he schal sitte wellynge togidere and clensynge siluer, and he schal purge the sones of Leuy; and he schal purge hem as gold and as siluer, and thei schulen be offrynge to the Lord sacrifices in riytfulnesse. Malachi 3:4 And the sacrifice of Juda and of Jerusalem schal plese to the Lord, as the daies of the world, and as olde yeeris. Malachi 3:5 And Y schal come to you in doom, and Y schal be a swift witnesse to mysdoeris, ether enchaunteris of deuelis craft, and to auouteris, and forsworn men, and that falsli calengen the hire of the hirid man, and widewis, and fadirles, ether modirles, children, and oppressen a pilgrym, nether dredden me, seith the Lord of oostis. Malachi 3:6 Forsothe Y am the Lord, and am not chaungid; and ye sones of Jacob ben not wastid.

Of the rebellion,

Malachi 3:7 Forsothe fro daies of youre fadris ye wenten awei fro my lawful thingis, and kepten not; turne ye ayen to me, and Y schal ayen turne to you, seith the Lord of oostis. And ye seiden, In what thing schulen we turne ayen?


Malachi 3:8 If a man schal turmente God, for ye togidere fitchen me. And ye seiden, In what thing togidere fitchen we thee? In tithis and in firste fruitis; Malachi 3:9 and ye ben cursid in nedynesse, and alle ye folc disseyuen me, and togidere fitchen. Malachi 3:10 Brynge ye yn ech tithe in to my berne, that mete be in myn hous, and preue ye me on this thing, seith the Lord, if Y schal not opene to you the goteris of heuene, and schal schede out to you blessyng, til to aboundaunce. Malachi 3:11 And Y schal blame for you that that deuourith, and he schal not distrie the fruit of youre lond; nether bareyn vyneyerd schal be in the feeld, Malachi 3:12 seith the Lord of oostis, and alle folkis schulen seie you blessid; for ye schulen be a desirable lond, seith the Lord of oostis.

and infidelity of the people.

Malachi 3:13 Youre wordis wexiden strong on me, seith the Lord; and ye seiden, What han we spokun ayens thee? Malachi 3:14 And ye seiden, He is veyn, that serueth God; and what wynnyng for we kepten hise heestis, and for we wenten sorewful bifore the Lord of oostis? Malachi 3:15 Therfor now we seien proude men blessid; for thei ben bildid doynge vnpitee, and thei temptiden God, and ben maad saaf.

The promise of blessing to them that fear God.

Malachi 3:16 Thanne men dredynge God spaken, ech with his neiybore; and the Lord perseyuede, and herde, and a book of mynde is writun bifor hym to men dredynge God, and thenkynge his name. Malachi 3:17 And thei schulen be to me, seith the Lord of oostis, in the dai in which Y schal make, in to a special tresour; and Y schal spare hem, as a man sparith his sone seruynge to hym. Malachi 3:18 And ye schulen be conuertid, and ye schulen se, what is bitwixe the iust man and vnpitouse, bitwixe the seruynge to the Lord and not seruynge to hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook