Wycliffe Bible

Leviticus 22

The priests in their uncleanness must abstain from the holy things.

Leviticus 22:1 And the Lord spak to Moises, and seide, Speke thou to Aaron and to hise sones, Leviticus 22:2 that thei be war of these thingis of the sones of Israel, whiche thingis ben halewid; and that they defoule not the name of thingis halewid to me, whiche thingis thei offren; Y am the Lord. Leviticus 22:3 Seie thou to hem, and to the aftir comeris of hem, Ech man of youre kynrede, which man neiyeth to tho thingis that ben halewid, and whiche thingis the sones of Israel offreden to the Lord, in which man is vnclennesse, schal perische bifor the Lord; Y am the Lord. Leviticus 22:4 A man of the seed of Aaron, which man is leprouse, ethir suffrith fletyng out of seed, schal not ete of these thingis, that ben halewid to me, til he be heelid. He that touchith an vncleene thing on a deed bodi, and fro whom the seed as of leccherie goith out, Leviticus 22:5 and which touchith a crepynge beeste, and what euer vncleene thing, whos touchyng is foul,

How they shall be cleansed.

Leviticus 22:6 schal be vncleene til to euentid, and he schal not ete these thingis, that ben halewid to me; but whanne he hath waische his fleisch in watir, Leviticus 22:7 and the sunne hath go doun, thanne he schal be clensid, and schal ete halewid thingis, for it is his mete. Leviticus 22:8 He schal not ete a thing deed bi it silf, and takun of a beeste, nethir he schal be defoulid in tho; Y am the Lord. Leviticus 22:9 Thei schulen kepe myn heestis, that thei be not suget to synne, and die in the seyntuarye, whanne thei han defoulid it; Y am the Lord that halewe you.

Who of the priest's house may eat of the holy things.

Leviticus 22:10 Ech alien schal not ete of thingis halewid; the hyne which is a straunger, and the hirid man of the preest, schulen not ete of tho. Sotheli these seruauntis, Leviticus 22:11 whom the preest hath bouyt, and which is a borun seruaunt of his hows, schulen ete of tho. Leviticus 22:12 If the douyter of the preest is weddid to ony of the puple, sche schal not ete of these thingis that ben halewid, and of the firste fruytis; Leviticus 22:13 sotheli if sche is a widewe, ether forsakun, and turneth ayen with out fre children to the hows of hir fadir, sche schal be susteyned bi the metis of hir fadir, as a damysel was wont; ech alien hath not power to ete of tho.

Leviticus 22:14 He that etith bi ignoraunce of halewid thingis, schal adde the fyuethe part with that that he eet, and schal yyue to the preest in seyntuarie, Leviticus 22:15 and thei schulen not defoule the halewid thingis of the sones of Israel, whiche thei offren to the Lord, Leviticus 22:16 lest perauenture thei suffren the wickidnesse of her trespas, whanne thei han ete halewid thingis; Y am the Lord that halewe hem.

The sacrifices must be without blemish.

Leviticus 22:17 The Lord spak to Moises, and seide, Leviticus 22:18 Speke thou to Aaron and to hise sones, and to alle the sones of Israel, and thou schalt seie to hem, A man of the hous of Israel and of comelyngis that dwellen at hem, which offrith his offryng to the Lord, and ethir paieth avowis, ethir offrith bi his fre wille, what euer thing he offrith in to brent sacrifice of the Lord, Leviticus 22:19 that it be offrid bi you, it schal be a male without wem, of oxen, and of scheep, and of geet; Leviticus 22:20 if it hath a wem, ye schulen not offre, nether it schal be acceptable. Leviticus 22:21 A man that offrith a sacrifice of pesyble thingis to the Lord, and ethir paieth auowis, ethir offrith bi fre wille, as wel of oxun as of scheep, he schal offre a beeste without wem, that it be acceptable; ech wem schal not be ther ynne. Leviticus 22:22 If it is blynd, if it is brokun, if it hath a scar, if it hath whelkis, ether scabbe, ethir drie scabbe, ye schulen not offre tho beestis to the Lord, nether ye schulen brenne of tho beestis on the auter of the Lord. Leviticus 22:23 A man may offre wilfuli an oxe and scheep, whanne the eere and tail ben kit of; but avow may not be paied of these beestis. Leviticus 22:24 Ye schulen not offre to the Lord ony beeste, whose priuy membris ben brokun, ethir brisid, ether kit, and takun awey, and outerli ye schulen not do these thingis in youre lond. Leviticus 22:25 Of the hond of an alien ye schulen not offre looues to youre God, and what euer other thing he wole yyue, for alle thingis ben corrupt and defoulid; ye schulen not resseyue tho.

The age of the sacrifice.

Leviticus 22:26 And the Lord spak to Moises, and seide, Leviticus 22:27 Whanne an oxe, scheep and goet ben brouyt forth of the modris wombe, in seuene daies tho schulen be vnder the tete of her modir; sotheli in the eiyte dai, and fro thennus forth, tho moun be offrid to the Lord, Leviticus 22:28 whether thilke is a cow, whether thilke is a scheep; tho schulen not be offrid in o dai with her fruytis.

The law of eating the sacrifice of thanksgiving.

Leviticus 22:29 If ye offren to the Lord a sacrifice for the doyng of thankyngis, that it mai be plesaunt, Leviticus 22:30 ye schulen ete it in the same dai in which it is offrid; ony thing schal not leeue in the morewtid of the tother dai; Y am the Lord. Leviticus 22:31 Kepe ye myn heestis, and do ye tho; Y am the Lord. Leviticus 22:32 Defoule ye not myn hooli name, that Y be halewid in the myddis of the sones of Israel; Y am the Lord, that halewe you, and ledde you out of the lond of Egipt, Leviticus 22:33 that Y schulde be to you in to God; Y am the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook