Wycliffe Bible

Leviticus 12

The purification of a woman after childbirth.

Leviticus 12:1 And the Lord spak to Moises, and seide, Speke thou to the sones of Israel, Leviticus 12:2 and thou schalt seie to hem, If a womman, whanne sche hath resseyued seed, childith a knaue child, sche schal be vnclene bi seuene daies bi the daies of departyng of corrupt blood, that renneth bi monethis; Leviticus 12:3 and the yong child schal be circumsidid in the eiytithe dai. Leviticus 12:4 Sotheli sche schal dwelle thre and thretti daies in the blood of hir purifiyng; sche schal not touche ony hooli thing, nethir sche schal entre in to the seyntuarie, til the daies of her clensing be fillid. Leviticus 12:5 Sotheli if sche childith a female, sche schal be vnclene twei woukis, bi the custom of flowyng of vnclene blood, and thre scoor and sixe daies sche schal dwelle in the blood of her clensyng.

Her offerings for her purifying.

Leviticus 12:6 And whanne the daies of hir clensyng, for a sone, ether for a douytir, ben fillid, sche schal brynge a lomb of o yeer in to brent sacrifice, and a bryd of a culuer, ethir a turtle, for synne, to the dore of the tabernacle of witnessyng; Leviticus 12:7 and sche schal yyue to the preest, which schal offre tho bifor the Lord, and schal preye for hir, and so sche schal be clensid fro the fowyng of hir blood. This is the lawe of a womman childynge a male, ethir a female. Leviticus 12:8 That if hir hond fyndith not, nethir may offre a lomb, sche schal take twei turtlis, ethir twei briddis of culueres, oon in to brent sacrifice, and the tother for synne; and the preest schal preye for hir, and so sche schal be clensid.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook