Wycliffe Bible

Lamentations 5

A pitiful complaint of Zion in prayer unto God.

Lamentations 5:1 Lord, haue thou mynde what bifelle to vs; se thou, and biholde oure schenschipe. Lamentations 5:2 Oure eritage is turned to aliens, oure housis ben turned to straungers. Lamentations 5:3 We ben maad fadirles children with out fadir; oure modris ben as widewis. Lamentations 5:4 We drunken oure watir for monei, we bouyten oure trees for siluer. Lamentations 5:5 We weren dryuun bi oure heedis, and reste was not youun to feynt men. Lamentations 5:6 We yauen hond to Egipt, and to Assiriens, that we schulden be fillid with breed. Lamentations 5:7 Oure fadris synneden, and ben not, and we baren the wickidnessis of hem. Lamentations 5:8 Seruauntis weren lordis of vs, and noon was, that ayenbouyte fro the hond of hem. Lamentations 5:9 In oure lyues we brouyten breed to vs, fro the face of swerd in desert. Lamentations 5:10 Oure skynne is brent as a furneis, of the face of tempestis of hungur. Lamentations 5:11 Thei maden low wymmen in Sion, and virgyns in the citees of Juda. Lamentations 5:12 Princes weren hangid bi the hond; thei weren not aschamed of the faces of elde men. Lamentations 5:13 Thei mysusiden yonge wexynge men vnchastli, and children fellen doun in tree. Lamentations 5:14 Elde men failiden fro yatis; yonge men failiden of the queer of singeris. Lamentations 5:15 The ioie of oure herte failide; oure song is turned in to mourenyng. Lamentations 5:16 The coroun of oure heed fellen doun; wo to vs! for we synneden. Lamentations 5:17 Therfor oure herte is maad soreuful, therfor oure iyen ben maad derk. Lamentations 5:18 For the hil of Sion, for it perischide; foxis yeden in it. Lamentations 5:19 But thou, Lord, schal dwelle with outen ende; thi seete schal dwelle in generacioun and in to generacioun. Lamentations 5:20 Whi schalt thou foryete vs with outen ende, schalt thou forsake vs in to lengthe of daies? Lamentations 5:21 Lord, conuerte thou vs to thee, and we schal be conuertid; make thou newe oure daies, as at the bigynnyng. Lamentations 5:22 But thou castynge awei hast cast awei vs; thou art wrooth ayens vs greetli.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook