Judges 17
Of the money that Micah first stole, then restored, his mother maketh images,
Judges 17:1 In that tyme was a man, Mycas bi name, of the hil of Effraym. Judges 17:2 And he seide to his modir, Lo! Y haue a thousynde and an hundrid platis of siluer, whiche thou departidist to thee, and on whiche thou sworist, while Y herde, and tho ben at me. To whom sche answeride, Blessid be my sone of the Lord. Judges 17:3 Therefor he yeldide tho to his modir; and sche seide to hym, Y halewide and avowide this siluer to the Lord, that my sone resseyue of myn hond, and make a grauun ymage and a yotun ymage; and now I yyue it to thee. Judges 17:4 Therfor he yeldide to his modir; and sche took twei hundryd platis of siluer, and yaf tho to a werk man of siluer, that he schulde make of tho a grauun ymage and yotun, that was in the hows of Mycas.
and he ornaments for them.
Judges 17:5 Which departide also a litil hous ther ynne to God; and made ephod, and theraphym, that is, a preestis cloth, and ydols; and he fillide the hond of oon of his sones, and he was maad a preest to hym. Judges 17:6 In tho daies was no kyng in Israel, but ech man dide this, that semyde riytful to hym silf.
He hireth a Levite to be his priest.
Judges 17:7 Also another yonge wexynge man was of Bethleem of Juda, of the kynrede therof, that is, of Juda, and he was a dekene, and dwellide there. Judges 17:8 And he yede out of the citee of Bethleem, and wolde be a pilgrim, where euere he foond profitable to hym silf. And whanne he made iourney, and hadde come in to the hil of Effraym, and hadde bowid a litil in to the hows of Mycha, Judges 17:9 he was axid of hym, Fro whennus comest thou? Which answeride, Y am a dekene of Bethleem of Juda, and Y go, that Y dwelle where Y may, and se that it is profitable to me. Judges 17:10 Micha seide, Dwelle thou at me, and be thou fadir and preest to me; and Y schal yyue to thee bi ech yeer ten platis of siluer, and double cloth, and tho thingis that ben nedeful to lijflode. Judges 17:11 He assentide, and dwellide at the man; and he was to the man as oon of sones. Judges 17:12 And Mycha fillide his hond, and hadde the child preest at hym, Judges 17:13 and seide, Now Y woot, that God schal do wel to me, hauynge a preest of the kyn of Leuy.
|
