Wycliffe Bible

Judges 12

The Ephraimites, quarrelling with Jephthah, and discerned by Shibboleth, are slain by the Gileadites.

Judges 12:1 Lo! forsothe discencioun roos in Effraym; for whi thei, that passiden ayens the north, seiden to Jepte, Whi yedist thou to batel ayens the sones of Amon, and noldist clepe vs, that we schulden go with thee? Therfor we schulen brenne thin hows. Judges 12:2 To whiche he answeride, Greet strijf was to me and to my puple ayens the sones of Amon, and Y clepide you, that ye schulden yyue help to me, and ye nolden do. Judges 12:3 Which thing Y siy, and puttide my lijf in myn hondis; and Y passide to the sones of Amon, and the Lord bitook hem in to myn hondis; what haue Y disseruyd, that ye ryse togidere ayens me in to batel? Judges 12:4 Therfor whanne alle the men of Galaad weren clepid to hym, he fauyt ayens Effraym; and the men of Galaad smytiden Effraym; for he seide, Galaad is fugitif ether exilid fro Effraym, and dwellith in the myddis of Effraym and of Manasses. Judges 12:5 And the men of Galaad ocupieden the forthis of Jordan, bi whiche Effraym schulden turne ayen. And whanne a man fleynge of the noumbre of Effraym hadde come to tho forthis, and hadde seid, Y biseche, that thou suffre me passe; men of Galaad seiden to hym, Whether thou art a man of Effraym? And whanne he seide, Y am not, Judges 12:6 thei axiden hym, Seie thou therfor Sebolech, whiche is interpretid, an eer of corn. Which answeride, Thebolech, and myyte not brynge forth an eer of corn bi the same lettre. And anoon thei strangeliden hym takun in thilke passyng of Jordan; and two and fourti thousynde of Effraym felden doun in that tyme.

Jephthah dieth.

Judges 12:7 And so Jepte, a man of Galaad, demyde Israel sixe yeer; and he was deed, and biried in his citee Galaad.

Ibzan, who had thirty sons, and thirty daughters,

Judges 12:8 Abethsan of Bethleem, that hadde thretti sones, and so many douytris, demyde Israel aftir Jepte; Judges 12:9 whiche douytris he sente out, and yaf to hosebondis, and he took wyues to hise sones of the same noumbre, and brouyte in to hys hows; which demyde Israel seuene yeer; Judges 12:10 and he was deed, and biried in Bethleem.

and Elon,

Judges 12:11 Whos successour was Hailon of Zabulon; and he demyde Israel ten yeer; Judges 12:12 and he was deed, and biried in Zabulon.

and Abdon, who had forty sons and thirty nephews, judge Israel.

Judges 12:13 Aftir hym Abdon, the sone of Ellel, of Pharaton, demyde Israel; Judges 12:14 which Abdon hadde fourti sones, and of hem thretti sones, stiynge on seuenti coltis of femal assis, that is, mulis, and he demyde Israel eiyte yeer; Judges 12:15 and he was deed, and biried in Pharaton, in the loond of Effraym, in the hil of Amalech.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook