Wycliffe Bible

Joshua 23

Joshua's exhortation before his death,

Joshua 23:1 Forsothe whanne myche tyme was passid after that the Lord had youe pees to Israel, for alle naciouns in cumpas weren suget; and whanne Josue was thanne of long lijf, and of ful eld age, Josue clepide al Israel, Joshua 23:2 and the grettere men in birthe, and the princes, and dukis, and maistris, and seide to hem, Y wexide elde, and Y am of grettere age;

by former benefits,

Joshua 23:3 and ye seen alle thingis whiche youre Lord God hath do to alle naciouns bi cumpas, hou he fauyt for you. Joshua 23:4 And now for he departide to you bi lot al the lond, fro the eest part of Jordan til to the grete see, and many naciouns ben left yit,

by promises,

Joshua 23:5 youre Lord God schal distrie hem, and schal take awei fro youre face; and ye schulen welde the lond, as he bihiyte to you. Joshua 23:6 Oneli be ye coumfortid, and be ye bisy, that ye kepe alle thingis that ben writun in the book of Moises lawe, and bowe not awei fro tho, nether to the riyt side nether to the left side, Joshua 23:7 lest aftir that ye han entrid to the hethene men, that schulen be among you, ye swere in the name of the goddis of hem, and ye serue tho goddis, and worschipe hem. Joshua 23:8 But cleue ye to youre Lord God, which thing ye han do til in to this dai; Joshua 23:9 and thanne the Lord God schal do awei in youre siyt grete folkis, and strongeste; and noon schal mow ayenstonde you. Joshua 23:10 Oon of you schal pursue a thousynde men of enemyes, for youre Lord God schal fiyte for you, as he bihiyte.

and by threatenings.

Joshua 23:11 Be ye war bifore moost diligentli of this thing oneli, that ye loue youre Lord God. Joshua 23:12 That if ye wolen cleue to the errouris of these folkis that dwellen among you, and wolen medle mariagis with hem, and couple frenschipis, Joshua 23:13 wite ye riyt now, that youre Lord God schal not do awei hem bifor youre face, but thei schulen be to you in to a dich, and a snare, and in to hirtyng of youre side, and in to stakis in youre iyen, til youre Lord God take awei you, and distrie fro this beste loond, which he yaf to you. Joshua 23:14 Lo! Y entre to dai in to the weye of al erthe; and ye schulen knowe with al soule, that of al wordis whiche the Lord bihiyte hym silf to yyue to you, not oon passide in veyn. Joshua 23:15 Therfor as he fillide in werk that, that he bihiyte, and alle thingis bifelden bi prosperite, so he schal brynge on you whateuer thing of yuelis he manaasside, til he take awei you, and distrie fro this beste lond, which he yaf to you. Joshua 23:16 For ye braken the couenaunt of youre Lord God, which he made with you, and serueden alien goddis, and worschipeden hem, sone and swiftli the strong veniaunce of the Lord schal rise on to you; and ye schulen be takun awei fro this beste lond, which he yaf to you.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook