The lot of Simeon,
Joshua 19:1 And the secounde lot of the sones of Symeon yede out, bi her meynees; and the eritage of hem, Joshua 19:2 in the myddis of possessioun of the sones of Juda, was Bersabee, and Sabee, and Melada, Joshua 19:3 and Asersua, Bala, and Asem, Joshua 19:4 and Betholaad, Bethularma, Joshua 19:5 and Siceleth, and Bethmarchaboth, and Asersua, Joshua 19:6 and Bethelebaoth, and Saroem, threttene citees, and the townes of tho; Joshua 19:7 Aym, and Remmon, and Athar, and Asam, foure citees, and the townes of tho; alle the townes bi cumpas of these citees, Joshua 19:8 til to Balath Brameth, ayens the south coost, weren seuentene citees. This is the eritage of the sones of Symeon, bi her meynees, Joshua 19:9 in the possessioun and part of the sones of Juda, for it was more; and therfor the sones of Symeon hadden possessioun in the myddis of the eritage therof.
Joshua 19:10 And the thridde lot of the sones of Zabulon felde, bi her meynees; and the terme of possessioun of the sones of Zabulon was maad til to Sarith; Joshua 19:11 and it stieth fro the see, and Medala; and it cometh in to Debbaseth, til to the stronde which is ayens Jecenam; Joshua 19:12 and it turneth ayen fro Sarith, ayens the eest, in to the coostis of Sechelech Tabor; and goith out to Daberth; and it stieth ayens Jasie; Joshua 19:13 and fro thennus it passith to the eest coost to Gethefer, and Thacasym; and it goith out in to Remmon, Amphar, and Noa; and cumpassith to the north, and Nachon; Joshua 19:14 and the goyngis out therof ben the valei of Jeptael, Joshua 19:15 and Cathel, and Neamai, and Semrom, and Jedaba, and Bethleem, twelue citees, and the townes of tho. Joshua 19:16 This is the eritage of the lynage of the sones of Zabulon, bi her meynees, and the citees and townes of tho.
Joshua 19:17 The fourthe lot yede out to Isacar, bi hise meynees; Joshua 19:18 and the eritage therof was Jezrael, and Casseloth, and Symen, Joshua 19:19 and Affraym, and Seon, and Anaarath, Joshua 19:20 and Cabith, and Cesion, Hames, Joshua 19:21 and Ramech, and Enganym, and Enadda, and Bethfeses. Joshua 19:22 And the terme therof cometh til to Tabor, and Seesyma, and Hethsemes; and the outgoyngis therof weren Jordan, sixtene citees, and the townes of tho. Joshua 19:23 This is the possessioun of the sones of Ysachar, bi her meynees, the citees and the townes of tho.
Joshua 19:24 And the fiuethe lot felde to the lynage of the sones of Aser, by her meynees; Joshua 19:25 and the terme of hem was Alchat, and Adi, and Bethen, Joshua 19:26 and Mesaph, and Elmelech, and Amaad, and Messal; and it cometh til to Carmel of the see, and Sior, and Labanath; and it turneth ayen, Joshua 19:27 ayens the eest, to Bethdagan; and passith til to Zabulon, and to the valei of Jeptael, ayens the north, in Bethemeth, and Neyel; and it goith out to the left side to Gabul, Joshua 19:28 and Acran, and Roob, and Omynon, and Chane, til to grete Sidon; Joshua 19:29 and it turneth ayen in to Horma, til to the strongeste citee Tire, and til to Ossam; and the outgoyngis therof schulen be in to the see, fro the part of Aczyma, Joshua 19:30 and Affeth, and Roob; two and twenti citees, and the townes of tho. Joshua 19:31 This is the possessioun of the sones of Aser, bi her meynees, the citees, and townes of tho.
Joshua 19:32 The sixte lot of the sones of Neptalym felde, bi her meynees; Joshua 19:33 and the terme bigan of Heleth, and Helon, and Sannaira, and Adarny, which is Neceb, and Jebnael, til to Letum; and the outgoyng of hem til to Jordan; Joshua 19:34 and the terme turneth ayen, ayens the west, in to Arnoth of Thabor; and fro thennus it goith out in to Hucota, and passith in to Zabulon, ayens the south, and in to Asor, ayens the west, and in to Juda, at Jordan, ayens the risyng of the sunne; Joshua 19:35 of the strongeste citee Assydym, Ser, and Amraath, and Rechath, Cenereth, Joshua 19:36 and Edema, and Arama, Asor, Joshua 19:37 and Cedes, and Edrai, Nason, Joshua 19:38 and Jeron, and Magdael, Horem, and Bethanath, and Bethsemes; nyntene citees, and the townes of tho. Joshua 19:39 This is the possessioun of the lynage of the sones of Neptalym, bi her meynees, the citees, and the townes of tho.
Joshua 19:40 The seuenthe lot yede out to the lynage of the sones of Dan, bi her meynees; Joshua 19:41 and the terme of the possessioun therof was Saraa, and Ascahol, and Darsemes, that is, the citee of the sunne, Joshua 19:42 Selenym, and Hailon, and Jethala, Joshua 19:43 Helom, and Thenna, and Acrom, Joshua 19:44 Helthecem, Jebtom, and Baalath, Joshua 19:45 Lud, and Benebarach, and Jethremmon, Joshua 19:46 and Ihercon, and Arecon, with the terme that biholdith Joppen, Joshua 19:47 and is closid with that ende. And the sones of Dan stieden, and fouyten ayens Lesem; and thei token it, and smytiden it bi the scharpnes of swerd, and hadden in possessioun, and dwelliden therynne; and thei clepiden the name therof Lesan Dan, by the name of Dan, her fadir. Joshua 19:48 This is the possessioun of the lynage of Dan, bi her meynees, the citees, and townes of tho.
The children of Israel give an inheritance to Joshua.
Joshua 19:49 And whanne thei hadden fillid to departe the lond bi lot to alle men bi her lynagis, the sones of Israel yauen possessioun to Josue, sone of Nun, Joshua 19:50 in the myddis of hem, bi the comaundement of the Lord, the citee which he axide, Thannath Sara, in the hil of Effraym; and he bildide the citee, and dwellide therynne. Joshua 19:51 These ben the possessiouns whiche Eleazar, preest, and Josue, sone of Nun, and the princis of meynees, and of the lynagis of the sones of Israel, departiden bi lot in Silo, bifor the Lord, at the dore of tabernacle of witnessing, and departiden the lond.