Wycliffe Bible

Joshua 16

The general borders of the sons of Joseph.

Joshua 16:1 And the lot, ethir part, of the sones of Joseph felde fro Jordan ayens Jerico, and at the watris therof, fro the eest; is the wildirnesse, that stieth fro Jerico to the hil of Bethel, Joshua 16:2 and it goith out fro Bethel in to Luzan, and passith the terme of Architaroth, Joshua 16:3 and it goith doun to the west, bisidis the terme of Jefleti, til to the termes of the lowere Bethoron, and of Gazer; and the cuntrees therof ben endid with the greet see, Joshua 16:4 whiche cuntreis Manasses and Effraym, the sones of Joseph, weldiden.

The border of the inheritance of Ephraim.

Joshua 16:5 And the terme of the sones of Effraym, bi her meynees, and the possessioun of hem was maad ayens the eest, Accarothaddar til to the hiyere Bethoron. Joshua 16:6 And the coostis goon out in to the see; sotheli Mathmetath biholdith the north, and cumpassith the termes ayens the eest in Tharnarselo, Joshua 16:7 and passith fro the stronde of Janee; and it goith doun fro Janee in to Atharoth and Noathara, and cometh in to Jerico; and it goith out to Jordan fro Taphua, Joshua 16:8 and passith ayens the see in to the valey of the place of rehedis; and the goyngis out therof ben to the salteste see. This is the possessioun of the sones of Effraym, bi her meynees; Joshua 16:9 and citees and the townes of tho ben departid to the sones of Effraym, in the myddis of the possessioun of the sones of Manasses.

The Canaanites not conquered.

Joshua 16:10 And the sones of Effraym killiden not Cananey, that dwellide in Gazer; and Cananey dwellide tributarie in the myddis of Effraym til in to this day.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook