Wycliffe Bible

Joshua 12

The two kings whose countries Moses took and disposed of.

Joshua 12:1 These ben the kyngis whiche the sones of Israel han smyte, and weldiden the lond of hem, biyende Jordan, at the risyng of the sunne, fro the stronde of Arnon til to the hil of Hermon, and al the eest coost that biholdith the wildirnesse. Joshua 12:2 Seon, the kyng of Amorreis, that dwellide in Esebon, was lord fro Aroer, which is set on the brenke of the stronde of Arnon, and of the myddil part in the valey, and of half Galaad, til to the stronde of Jaboth, which is the terme of the sones of Amon, and fro the wildirnesse til to the see of Ceneroth, Joshua 12:3 ayens the eest, and til to the see of deseert, which is the saltist see at the eest coost, bi the weie that ledith to Bethessymoth, and fro the south part that liggith vndur Assedoch, til to Phasga.

Joshua 12:4 The terme of Og, kyng of Basan, of the relikis of Raphaym, that is, giauntis, that dwelliden in Astoroth and in Edraym, and he was lord in the hil of Hermon, and in Salacha, and in al Basan, til to the termes of Gessuri and Machati, Joshua 12:5 and of the half part of Galaad, and to the terme of Seon, kyng of Esebon. Joshua 12:6 Moyses, the seruaunt of the Lord, and the sones of Israel smytiden hem; and Moises yaf the lond of hem in to possessioun to Rubenytis and to Gadditis and to half the lynage of Manaasses.

The one and thirty kings on the other side Jordan which Joshua smote.

Joshua 12:7 These ben the kyngis of the lond, whiche Josue and the sones of Israel smytiden biyende Jordan, at the west coost, fro Algad in the feeld of Liban, til to the hil whos part stieth in to Seir; and Josue yaf it in to possessioun to the lynagis of Israel, to ech his owne part, Joshua 12:8 as wel in hilli placis as in pleyn and feeldi placis; in Asseroth, and in wildirnesse, and in the south was Ethei, and Ammorrei, Cananie, and Pheresei, Euey, and Jebusei.

Joshua 12:9 The kyng of Jerico oon; the kyng of Hai, which is at the side of Bethel, oon; Joshua 12:10 the kyng of Jerusalem, oon; the kyng of Ebron, oon; Joshua 12:11 the kyng of Herymoth, oon; the kyng of Lachis, oon; Joshua 12:12 the kyng of Eglon, oon; the kyng of Gazer, oon; Joshua 12:13 the kyng of Dabir, oon; the kyng of Gader, oon; Joshua 12:14 the kyng of Herma, oon; the kyng of Hedreth, oon; Joshua 12:15 the kyng of Lempna, oon; the kyng of Odollam, oon; Joshua 12:16 the kyng of Maceda, oon; the kyng of Bethel, oon; Joshua 12:17 the kyng of Thaphua, oon; the kyng of Affer, oon; Joshua 12:18 the kyng of Affeth, oon; the kyng of Saron, oon; Joshua 12:19 the kyng of Madon, oon; the king of Asor, oon; Joshua 12:20 the kyng of Semeron, oon; the kyng of Axaph, oon; Joshua 12:21 the kyng of Thenach, oon; the kyng of Magedo, oon; Joshua 12:22 the kyng of Cetes, oon; the kyng of Jachanaem of Carmele, oon; Joshua 12:23 the kyng of Dor and of the prouince of Dor, oon; the kyng of folkis of Galgal, oon; Joshua 12:24 the kyng of Thersa, oon; alle the kyngis, oon and thretti.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook