Wycliffe Bible

Jonah 3

Jonah, sent again, preacheth to the Ninevites.

Jonah 3:1 And the word of the Lord was maad the secounde tyme to Jonas, and seide, Rise thou, Jonah 3:2 and go in to Nynyue, the greet citee, and preche thou in it the prechyng which Y speke to thee. Jonah 3:3 And Jonas roos, and wente in to Nynyue, bi the word of the Lord. And Nynyue was a greet citee, of the iurnei of thre daies. Jonah 3:4 And Jonas bigan for to entre in to the citee, bi the iornei of o dai, and criede, and seide, Yit fourti daies, and Nynyue schal be turned vpsodoun.

Upon their repentance,

Jonah 3:5 And men of Nynyue bileueden to the Lord, and prechiden fastyng, and weren clothid with sackis, fro the more til to the lesse. Jonah 3:6 And the word cam til to the kyng of Nynyue; and he roos of his seete, and castide awei his clothing fro him, and was clothid with a sak, and sat in aische. Jonah 3:7 And he criede, and seide in Nynyue of the mouth of the kyng and of his princis, and seide, Men, and werk beestis, and oxun, and scheep taaste not ony thing, nether be fed, nether drynke watir. Jonah 3:8 And men be hilid with sackis, and werk beestis crie to the Lord in strengthe; and be a man conuertid fro his yuel weie, and fro wickidnesse that is in the hondis of hem. Jonah 3:9 Who woot, if God be conuertid, and foryyue, and be turned ayen fro woodnesse of his wraththe, and we schulen not perische?

God repenteth.

Jonah 3:10 And God sai the werkis of hem, that thei weren conuertid fro her yuel weie; and God hadde merci on the malice which he spac, that he schulde do to hem, and did not.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook