Wycliffe Bible

John 20

Mary cometh to the sepulchre:

John 20:1 And in o dai of the wouke Marie Maudeleyn cam eerli to the graue, whanne it was yit derk. And sche say the stoon moued awei fro the graue. John 20:2 Therfor sche ran, and cam to Symount Petre, and to another disciple, whom Jhesus louede, and seith to hem, Thei han takun the Lord fro the graue, and we witen not, where thei han leid hym.

so do Peter and John, ignorant of the resurrection.

John 20:3 Therfor Petre wente out, and thilke other disciple, and thei camen to the graue. John 20:4 And thei tweyne runnen togidre, and thilke othere disciple ran bifor Petre, and cam first to the graue. John 20:5 And whanne he stoupide, he sai the schetis liynge, netheles he entride not. John 20:6 Therfor Symount Petre cam suynge hym, and he entride in to the graue, and he say the schetis leid, John 20:7 and the sudarie that was on his heed, not leid with the schetis, but bi it silf wlappid in to a place. John 20:8 Therfor thanne thilke disciple that cam first to the graue, entride, and sai, and bileuede. John 20:9 For thei knewen not yit the scripture, that it behofte him to rise ayen fro deth. John 20:10 Therfor the disciplis wenten eftsoone to hem silf.

Jesus appeareth to Mary Magdalene,

John 20:11 But Marie stood at the graue with outforth wepynge. And the while sche wepte, sche bowide hir, and bihelde forth in to the graue. John 20:12 And sche sai twei aungels sittinge in white, oon at the heed and oon at the feet, where the bodi of Jhesu was leid. John 20:13 And thei seien to hir, Womman, what wepist thou? Sche seide to hem, For thei han take awei my lord, and Y woot not, where thei han leid him. John 20:14 Whanne sche hadde seid these thingis, sche turnede bacward, and sai Jhesu stondinge, and wiste not that it was Jhesu. John 20:15 Jhesus seith to hir, Womman, what wepist thou? whom sekist thou? She gessynge that he was a gardynere, seith to him, Sire, if thou hast takun him vp, seie to me, where thou hast leid him, and Y schal take hym awei. John 20:16 Jhesus seith to hir, Marie. Sche turnede, and seith to hym, Rabony, that is to seie, Maister. John 20:17 Jhesus seith to hir, Nyle thou touche me, for Y haue not yit stied to my fadir; but go to my britheren, and seie to hem, Y stie to my fadir and to youre fadir, to my God and to youre God. John 20:18 Marie Maudeleyne cam, tellinge to the disciplis, That Y sai the Lord, and these thingis he seide to me.

and to his disciples.

John 20:19 Therfor whanne it was eue in that dai, oon of the sabatis, and the yatis weren schit, where the disciplis weren gaderid, for drede of the Jewis, Jhesus cam, and stood in the myddil of the disciplis, and he seith to hem, Pees to you. John 20:20 And whanne he hadde seid this, he schewide to hem hondis and side; therfor the disciplis ioieden, for the Lord was seyn. John 20:21 And he seith to hem eft, Pees to you; as the fadir sente me, Y sende you. John 20:22 Whanne he had seid this, he blewe on hem, and seide, Take ye the Hooli Goost; John 20:23 whos synnes ye foryyuen, tho ben foryouun to hem; and whos ye withholden, tho ben withholdun.

The incredulity, and confession of Thomas.

John 20:24 But Thomas, oon of the twelue, that is seid Didimus, was not with hem, whanne Jhesus cam. John 20:25 Therfor the othere disciplis seiden, We han seyn the Lord. And he seide to hem, But Y se in hise hondis the fitchinge of the nailis, and putte my fyngur in to the places of the nailis, and putte myn hond in to his side, Y schal not bileue.

John 20:26 And after eiyte daies eftsoone hise disciplis weren with ynne, and Thomas with hem. Jhesus cam, while the yatis weren schit, and stood in the myddil, and seide, Pees to you. John 20:27 Afterward he seith to Thomas, Putte in here thi fyngur, and se myn hondis, and putte hidur thin hond, and putte in to my side, and nyle thou be vnbileueful, but feithful. John 20:28 Thomas answeride, and seide to him, My Lord and my God. John 20:29 Jhesus seith to him, Thomas, for thou hast seyn me, thou bileuedist; blessid ben thei, that seyn not, and han bileued.

The Scripture is sufficient to salvation.

John 20:30 And Jhesus dide many othere signes in the siyt of hise disciplis, whiche ben not writun in this book. John 20:31 But these ben writun, that ye bileue, that Jhesus is Crist, the sone of God, and that ye bileuynge haue lijf in his name.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook