Wycliffe Bible

Job 40

Job humbleth himself to God.

Job 40:1 And the Lord addide, and spak to Joob, Job 40:2 Whether he, that stryueth with God, schal haue rest so liytli? Sotheli he, that repreueth God, owith for to answere to hym.

Job 40:3 Forsothe Joob answeride to the Lord, and seide, Job 40:4 What may Y answere, which haue spoke liytli? Y schal putte myn hond on my mouth. Job 40:5 Y spak o thing, which thing Y wold, that Y hadde not seid; and Y spak anothir thing, to which Y schal no more adde.

God stirreth him up to shew his righteousness, power, and wisdom.

Job 40:6 Forsothe the Lord answeride to Joob fro the whirlewynd, and seide, Job 40:7 Girde thou as a man thi leendis, and Y schal axe thee, and schewe thou to me. Job 40:8 Whether thou schalt make voide my doom, and schalt condempne me, that thou be maad iust? Job 40:9 And if thou hast an arm, as God hath, and if thou thundrist with lijk vois, take thou fairnesse aboute thee, Job 40:10 and be thou reisid an hiy, and be thou gloriouse, and be thou clothid in faire clothis. Job 40:11 Distrie thou proude men in thi woodnesse, and biholde thou, and make lowe ech bostere. Job 40:12 Biholde thou alle proude men, and schende thou hem; and al to-breke thou wickid men in her place. Job 40:13 Hide thou hem in dust togidere, and drenche doun her faces in to a diche. Job 40:14 And Y schal knowleche, that thi riyt hond may saue thee.

Of behemoth.

Job 40:15 Lo! behemot, whom Y made with thee, schal as an oxe ete hey. Job 40:16 His strengthe is in hise leendis, and his vertu is in the nawle of his wombe. Job 40:17 He streyneth his tail as a cedre; the senewis of his stones of gendrure ben foldid togidere. Job 40:18 Hise boonys ben as the pipis of bras; the gristil of hym is as platis of yrun. Job 40:19 He is the bigynnyng of the weies of God; he, that made hym, schal sette his swerd to hym. Job 40:20 Hillis beren eerbis to this behemot; alle the beestis of the feeld pleien there. Job 40:21 He slepith vndur schadewe, in the pryuete of rehed, in moiste places. Job 40:22 Schadewis hilen his schadewe; the salewis of the ryuer cumpassen hym. Job 40:23 He schal soupe vp the flood, and he schal not wondre; he hath trist, that Jordan schal flowe in to his mouth. Job 40:24 He schal take hem bi the iyen of hym, as bi an hook; and bi scharpe schaftis he schal perse hise nosethirlis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook