Wycliffe Bible

Job 39

Of the wild goats and hinds.

Job 39:1 Whethir thou knowist the tyme of birthe of wielde geet in stoonys, ethir hast thou aspied hyndis bryngynge forth calues? Job 39:2 Hast thou noumbrid the monethis of her conseyuyng, and hast thou knowe the tyme of her caluyng? Job 39:3 Tho ben bowid to the calf, and caluen; and senden out roryngis. Job 39:4 Her calues ben departid, and goen to pasture; tho goen out, and turnen not ayen to tho hyndis.

Of the wild ass.

Job 39:5 Who let go the wielde asse fre, and who loside the boondis of hym? Job 39:6 To whom Y haue youe an hows in wildirnesse, and the tabernacles of hym in the lond of saltnesse. Job 39:7 He dispisith the multitude of citee; he herith not the cry of an axere. Job 39:8 He lokith aboute the hillis of his lesewe, and he sekith alle greene thingis.

The unicorn.

Job 39:9 Whether an vnycorn schal wilne serue thee, ethir schal dwelle at thi cratche? Job 39:10 Whether thou schalt bynde the vnicorn with thi chayne, for to ere, ethir schal he breke the clottis of valeis aftir thee? Job 39:11 Whether thou schalt haue trist in his grete strengthe, and schalt thou leeue to hym thi traueils? Job 39:12 Whether thou schalt bileue to hym, that he schal yelde seed to thee, and schal gadere togidere thi cornfloor?

The peacock, stork, and ostrich.

Job 39:13 The fethere of an ostriche is lijk the fetheris of a gerfawcun, and of an hauk; Job 39:14 which ostrige forsakith hise eirun in the erthe, in hap thou schalt make tho hoot in the dust. Job 39:15 He foryetith, that a foot tredith tho, ethir that a beeste of the feeld al tobrekith tho. Job 39:16 He is maad hard to hise briddis, as if thei ben not hise; he traueilide in veyn, while no drede constreynede. Job 39:17 For God hath priued hym fro wisdom, and yaf not vnderstondyng to hym. Job 39:18 Whanne tyme is, he reisith the wengis an hiy; he scorneth the hors, and his ridere.

The horse.

Job 39:19 Whether thou schalt yyue strengthe to an hors, ether schal yyue neiyng aboute his necke? Job 39:20 Whether thou schalt reyse hym as locustis? The glorie of hise nosethirlis is drede. Job 39:21 He diggith erthe with the foot, he fulli ioieth booldli; he goith ayens armed men. Job 39:22 He dispisith ferdfulnesse, and he yyueth not stide to swerd. Job 39:23 An arowe caas schal sowne on hym; a spere and scheeld schal florische. Job 39:24 He is hoot, and gnastith, and swolewith the erthe; and he arettith not that the crie of the trumpe sowneth. Job 39:25 Whanne he herith a clarioun, he seith, Joie! he smellith batel afer; the excityng of duykis, and the yellyng of the oost.

The hawk.

Job 39:26 Whether an hauk spredinge abrood hise wyngis to the south, bigynneth to haue fetheris bi thi wisdom?

The eagle.

Job 39:27 Whether an egle schal be reisid at thi comaundement, and schal sette his nest in hiy places? Job 39:28 He dwellith in stoonys, and he dwellith in flyntis brokun bifor, and in rochis, to whiche me may not neiye. Job 39:29 Fro thennus he biholdith mete, and hise iyen loken fro fer. Job 39:30 Hise briddis souken blood, and where euere a careyn is, anoon he is present.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook