Wycliffe Bible

Job 2

Satan appearing again before God obtaineth further leave to tempt Job.

Job 2:1 Forsothe it was doon, whanne in sum dai the sones of God weren comun, and stoden bifor the Lord, and Sathan was comun among hem, and stood in his siyt, Job 2:2 that the Lord seide to Sathan, Fro whennus comest thou? Which answeride, and seide, Y haue cumpassid the erthe, and Y haue go thury it. Job 2:3 And the Lord seide to Sathan, Whethir thou hast biholde my seruaunt Joob, that noon in erthe is lijk hym; he is a symple man, and riytful, and dredynge God, and goynge awei fro yuel, and yit holdynge innocence? But thou hast moued me ayens him, that Y schulde turmente hym in veyn. Job 2:4 To whom Sathan answeride, and seide, A man schal yyue skyn for skyn, and alle thingis that he hath for his lijf; Job 2:5 ellis sende thin hond, and touche his boon and fleisch, and thanne thou schalt se, that he schal curse thee in the face. Job 2:6 Therfor the Lord seide to Sathan, Lo! he is in thin hond; netheles kepe thou his lijf.

He smiteth him with sore boils.

Job 2:7 Therfor Sathan yede out fro the face of the Lord, and smoot Joob with a ful wickid botche fro the sole of the foot til to his top; Job 2:8 which Joob schauyde the quytere with a schelle, and sat in the dunghil.

Job reproveth his wife, moving him to curse God.

Job 2:9 Forsothe his wijf seide to hym, Dwellist thou yit in thi symplenesse? Curse thou God, and die. Job 2:10 And Joob seide, Thou hast spoke as oon of the fonned wymmen; if we han take goodis of the hond of the Lord, whi forsothe suffren we not yuels? In alle these thingis Joob synnede not in hise lippis.

His three friends condole with him in silence.

Job 2:11 Therfor thre frendis of Joob herden al the yuel, that hadde bifelde to hym, and camen ech man fro his place, Eliphath Temanytes, and Baldach Suythes, and Sophar Naamathites; for thei hadden seide togidere to hem silf, that thei wolden come togidere, and visite hym, and coumforte. Job 2:12 And whanne thei hadden reisid afer her iyen, thei knewen not hym; and thei crieden, and wepten, and to-renten her clothis, and spreynten dust on her heed in to heuene. Job 2:13 And thei saten with hym in the erthe seuene daies and seuene nyytis, and no man spak a word to hym; for thei sien, that his sorewe was greet.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook