Wycliffe Bible

Isaiah 38

Hezekiah, having received a message of death, by prayer hath his life lengthened.

Isaiah 38:1 In tho daies Esechie was sijk til to the deth; and Isaie, the profete, the sone of Amos, entride to hym, and seide to hym, The Lord seith these thingis, Dispose thi hous, for thou schalt die, and thou schalt not lyue. Isaiah 38:2 And Esechie turnede his face to the wal, and preiede the Lord, and seide, Lord, Y biseche; Isaiah 38:3 haue thou mynde, Y biseche, hou Y yede bifore thee in treuthe, and in perfit herte, and Y dide that that was good bifore thin iyen. And Ezechye wept with greet wepyng.

Isaiah 38:4 And the word of the Lord was maad to Isaie, and seide, Isaiah 38:5 Go thou, and seie to Ezechye, The Lord God of Dauid, thi fadir, seith these thingis, I haue herd thi preier, and Y siy thi teeris. Lo! Y schal adde on thi daies fiftene yeer; Isaiah 38:6 and Y schal delyuere thee and this citee fro the hond of the kyng of Assiriens, and Y schal defende it. Isaiah 38:7 Forsothe this schal be to thee a signe of the Lord, that the Lord schal do this word, which he spak.

The sun goeth ten degrees backward, for a sign of that promise.

Isaiah 38:8 Lo! Y schal make the schadewe of lynes, bi which it yede doun in the orologie of Achas, in the sunne, to turne ayen backward bi ten lynes. And the sunne turnede ayen bi ten lynes, bi degrees bi whiche it hadde go doun.

His song of thanksgiving.

Isaiah 38:9 The scripture of Ezechie, kyng of Juda, whanne he hadde be sijk, and hadde rekyuered of his sikenesse. Isaiah 38:10 I seide, in the myddil of my daies Y schal go to the yatis of helle. Isaiah 38:11 Y souyte the residue of my yeeris; Y seide, Y schal not se the Lord God in the lond of lyueris; Y schal no more biholde a man, and a dwellere of reste. Isaiah 38:12 My generacioun is takun awei, and is foldid togidere fro me, as the tabernacle of scheepherdis is foldid togidere. Mi lijf is kit doun as of a webbe; he kittide doun me, the while Y was wouun yit. Fro the morewtid til to the euentid thou schalt ende me; Isaiah 38:13 Y hopide til to the morewtid; as a lioun, so he al to-brak alle my boonys. Fro the morewtid til to the euentid thou schalt ende me; as the brid of a swalewe, so Y schal crie; Isaiah 38:14 Y schal bithenke as a culuer. Myn iyen biholdynge an hiy, ben maad feble. Lord, Y suffre violence, answere thou for me; what schal Y seie, Isaiah 38:15 ether what schal answere to me, whanne I mysilf haue do? Y schal bithenke to thee alle my yeeris, in the bitternisse of my soule. Isaiah 38:16 Lord, if me lyueth so, and the lijf of my spirit is in siche thingis, thou schalt chastise me, and schalt quykene me. Isaiah 38:17 Lo! my bitternesse is moost bittir in pees; forsothe thou hast delyuered my soule, that it perischide not; thou hast caste awey bihynde thi bak alle my synnes. Isaiah 38:18 For not helle schal knowleche to thee, nethir deth schal herie thee; thei that goon doun in to the lake, schulen not abide thi treuthe. Isaiah 38:19 A lyuynge man, a lyuynge man, he schal knouleche to thee, as and Y to dai; the fadir schal make knowun thi treuthe to sones. Isaiah 38:20 Lord, make thou me saaf, and we schulen synge oure salmes in all the daies of oure lijf in the hous of the Lord. Isaiah 38:21 And Ysaie comaundide, that thei schulden take a gobet of figus, and make a plaster on the wounde; and it schulde be heelid. Isaiah 38:22 And Ezechie seide, What signe schal be, that Y schal stie in to the hous of the Lord?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook