Wycliffe Bible

Isaiah 32

The blessings of Christ's Kingdom.

Isaiah 32:1 Lo! the kyng schal regne in riytfulnesse, and princes schulen be souereyns in doom. Isaiah 32:2 And a man schal be, as he that is hid fro wynd, and hidith hym silf fro tempest; as stremes of watris in thirst, and the schadewe of a stoon stondynge fer out in a desert lond. Isaiah 32:3 The iyen of profetis schulen not dasewe, and the eeris of heereris schulen herke diligentli; Isaiah 32:4 and the herte of foolis schal vndurstonde kunnyng, and the tunge of stuttynge men schal speke swiftli, and pleynli. Isaiah 32:5 He that is vnwijs, schal no more be clepid prince, and a gileful man schal not be clepid the grettere. Isaiah 32:6 Forsothe a fool shal speke foli thingis, and his herte schal do wickidnesse, that he performe feynyng, and speke to the Lord gilefuli; and he schal make voide the soule of an hungry man, and schal take awei drynke fro a thirsti man. Isaiah 32:7 The vessels of a gileful man ben worste; for he schal make redi thouytis to leese mylde men in the word of a leesyng, whanne a pore man spak doom. Isaiah 32:8 Forsothe a prince schal thenke tho thingis that ben worthi to a prince, and he schal stonde ouer duykis.

Desolation is foreshewn.

Isaiah 32:9 Riche wymmen, rise ye, and here my vois; douytris tristynge, perseyue ye with eeris my speche. Isaiah 32:10 For whi aftir daies and a yeer, and ye that tristen schulen be disturblid; for whi vyndage is endid, gaderyng schal no more come. Isaiah 32:11 Ye riche wymmen, be astonyed; ye that tristen, be disturblid; vnclothe ye you, and be ye aschamed; Isaiah 32:12 girde youre leendis; weile ye on brestis, on desirable cuntrei, on the plenteuouse vyner. Isaiah 32:13 Thornes and breris schulen stie on the erthe of my puple; hou myche more on alle the housis of ioie of the citee makynge ful out ioie? Isaiah 32:14 For whi the hous is left, the multitude of the citee is forsakun; derknessis and gropyng ben maad on dennes, til in to with outen ende. The ioie of wield assis is the lesewe of flockis;

Restoration is promised to succeed.

Isaiah 32:15 til the spirit be sched out on us fro an hiy, and the desert schal be in to Chermel, and Chermel schal be arettid in to a forest. Isaiah 32:16 And doom schal dwelle in wildirnesse, and riytfulnesse schal sitte in Chermel; Isaiah 32:17 and the werk of riytfulnesse schal be pees, and the tilthe of riytfulnesse schal be stilnesse and sikirnesse, til in to with outen ende. Isaiah 32:18 And my puple schal sitte in the fairnesse of pees, and in the tabernaclis of trist, and in riche reste. Isaiah 32:19 But hail schal be in the coming doun of the foreste, and bi lownesse the citee schal be maad low. Isaiah 32:20 Blessid ben ye, that sowen on alle watris, and putten yn the foot of an oxe and of an asse.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook