Wycliffe Bible

Isaiah 15

The lamentable state of Moab.

Isaiah 15:1 The birthun of Moab. For Ar was destried in niyt, Moab was stille; for the wal was distried in the niyt, Moab was stille. Isaiah 15:2 The kingis hous, and Dybon stieden to hiy places, in to weilyng; on Nabo, and on Medaba Moab schal yelle. In alle hedis therof schal be ballidnesse, and ech beerd schal be schauun. Isaiah 15:3 In the meetyng of thre weies therof thei ben gird in a sak, alle yellyng on the housis therof and in the stretis therof; it schal go doun in to wepyng. Isaiah 15:4 Esebon schal crie, and Eleale, the vois of hem is herd til to Jasa; on this thing the redi men of Moab schulen yelle, the soule therof schal yelle to it silf. Isaiah 15:5 Myn herte schal crie to Moab, the barris therof til to Segor, a cow calf of thre yeer. For whi a wepere schal stie bi the stiyng of Luith, and in the weie of Oronaym thei schulen reise cry of sorewe. Isaiah 15:6 For whi the watris of Nemrym schulen be forsakun; for the eerbe dried up, buriownyng failide, al grenenesse perischide. Isaiah 15:7 Bi the greetnesse of werk, and the visityng of hem, to the stronde of salewis thei schulen lede hem. Isaiah 15:8 For whi cry cumpasside the ende of Moab; til to Galym the yellyng therof, and the cry therof til to the pit of Helym. Isaiah 15:9 For the watris of Dibon ben fillid with blood; for Y schal sette encreessyngis on Dibon, to tho men of Moab that fledden fro the lioun, and to the relifs of the lond.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook