Wycliffe Bible

Hosea 13

Ephraim's glory, by reason of idolatry, vanished.

Hosea 13:1 For Effraym spak, hidousnesse assailide Israel; and he trespasside in Baal, and was deed. Hosea 13:2 And now thei addiden to do synne, and maden to hem a yotun ymage of her siluer, as the licnesse of idols; al is the makyng of crafti men. To these thei seien, A! ye men, offre, and worschipe caluys. Hosea 13:3 Therfor thei schulen be as a morewtid cloude, and as the deew of morewtid, that passith forth, as dust rauyschide bi whirlewynd fro the corn floor, and as smoke of a chymenei. Hosea 13:4 Forsothe Y am thi Lord God, that ledde thee fro the loond of Egipt; and thou schalt not knowe God, outakun me, and no sauyour is, outakun me.

God's anger for their unkindness.

Hosea 13:5 Y knewe thee in the desert, in the lond of wildirnesse. Hosea 13:6 Bi her lesewis thei weren fillid, and hadden abundaunce; thei reisiden her herte, and foryaten me. Hosea 13:7 And Y schal be as a lionesse to hem, as a parde in the weye of Assiriens. Hosea 13:8 Y as a femal bere, whanne the whelps ben rauyschid, schal mete hem; and schal al to-breke the ynnere thingis of the mawe of hem. And Y as a lioun schal waaste hem there; a beeste of the feeld schal al to-rende hem.

A promise of God's mercy.

Hosea 13:9 Israel, thi perdicioun is of thee; thin help is oneli of me. Hosea 13:10 Where is thi kyng? moost saue he thee now in alle thi citees; and where ben thi iugis, of whiche thou seidist, Yyue thou to me a kyng, and princes? Hosea 13:11 Y schal yyue to thee a kyng in my strong veniaunce, and Y schal take awei in myn indignacioun. Hosea 13:12 The wickidnesse of Effraym is boundun togidere; his synne is hid. Hosea 13:13 The sorewis of a womman trauelynge of child schulen come to hym; he is a sone not wijs. For now he schal not stonde in the defoulyng of sones. Hosea 13:14 Y schal delyuere hem fro the hoond of deeth, and Y schal ayenbie hem fro deth. Thou deth, Y schal be thi deth; thou helle, Y schal be thi mussel.

A judgment for rebellion.

Hosea 13:15 Coumfort is hid fro myn iyen, for he schal departe bitwixe britheren. The Lord schal brynge a brennynge wynd, stiynge fro desert; and it schal make drie the veynes therof, and it schal make desolat the welle therof; and he schal rauysche the tresour of ech desirable vessel. Hosea 13:16 Samarie perische, for it stiride his God to bittirnesse; perische it bi swerd. The litle children of hem be hurtlid doun, and the wymmen with child therof be koruun.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook