Wycliffe Bible

Hosea 12

A reproof of Ephraim, Judah, and Jacob.

Hosea 12:1 Effraym fedith wynd, and sueth heete. Al dai he multiplieth leesyng, and distriyng; and he made boond of pees with Assiriens, and bar oile in to Egipt. Hosea 12:2 Therfor the doom of the Lord is with Juda, and visityng is on Jacob; bi the weies of hym, and bi the fyndyngis of hym he schal yelde to hym.

By former favours he exhorteth to repentance.

Hosea 12:3 In the wombe he supplauntide his brother, and in his strengthe he was dressid with the aungel. Hosea 12:4 And he was strong to the aungel, and was coumfortid; he wepte, and preiede hym; in Bethel he foond hym, and there he spak with vs. Hosea 12:5 And the Lord God of oostis, the Lord, is the memorial of hym. Hosea 12:6 And thou schalt turne to thi God. Kepe thou merci and doom, and hope thou euere in thi God.

Ephraim's sins provoke God.

Hosea 12:7 Chanaan louyde fals caleng, a gileful balaunce in his hond. Hosea 12:8 And Effraym seide, Netheles Y am maad riche, Y haue founde an idol to me; alle my trauelis schulen not fynde to me the wickidnesse, whiche Y synnede. Hosea 12:9 And Y am thi Lord God fro the lond of Egipt; yit Y schal make thee to sitte in tabernaclis, as in the daies of feeste. Hosea 12:10 And Y spak bi profetis, and Y multiplied profesie, and Y was licned in the hond of profetis. Hosea 12:11 If Galaad worschipith an idol, therfor thei erren in veyn offryng to oxis in Galgal; for whi and the auteris of hem schulen be as heepis on the forewis of the feeld. Hosea 12:12 Jacob fledde in to the cuntrei of Sirie, and Israel seruyde for a wijf, and seruyde, ether kepte, for a wijf. Hosea 12:13 But bi a profete the Lord ledde Israel out of Egipt, and bi a profete he was kept. Hosea 12:14 Effraym terride me to wrathfulnesse in hise bitternessis, and the blood of hym schal come on hym; and his Lord schal restore to hym the schenschipe of him.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook