Wycliffe Bible

Genesis 39

Joseph advanceth in Potiphar's house.

Genesis 39:1 Therfor Joseph was led in to Egipt, and Putifar, chast and onest seruaunt of Farao, prince of the oost, a man of Egipt, bouyte hym of the hondis of Ismaelitis, of which he was brouyt. Genesis 39:2 And the Lord was with hym, and he was a man doynge with prosperite in alle thingis. And Joseph dwellide in the hows of his lord, Genesis 39:3 which knew best that the Lord was with Joseph, and that alle thingis whiche he dide, weren dressid of the Lord in the hond of hym. Genesis 39:4 And Joseph foond grace bifor his lord, and mynystride to hym, of whom Joseph was maad souereyn of alle thingis, and gouernede the hows bitaken to hym, and alle thingis that weren bitakun to hym. Genesis 39:5 And the Lord blesside the hows of Egipcian for Joseph, and multipliede al his catel, as wel in howsis as in feeldis; Genesis 39:6 nether he knew ony other thing no but breed which he eet. Forsothe Joseph was fair in face, and schapli in siyt.

He resisteth his mistress' temptation.

Genesis 39:7 And so aftir many daies the ladi castide hir iyen in to Joseph, and seide, Slepe thou with me; Genesis 39:8 which assentide not to the vnleueful werk, and seide to hir, Lo! while alle thingis ben bitakun to me, my lord woot not what he hath in his hows, Genesis 39:9 nether ony thing is, which is not in my power, ether which he hath not bitake to me, outakun thee, which art his wijf; how therfor may Y do this yuel, and do synne ayens my lord? Genesis 39:10 Thei spaken siche wordis bi alle daies, and the womman was diseseful to the yong waxynge man, and he forsook auoutrie. Genesis 39:11 Forsothe it bifelde in a dai, that Joseph entride in to the hows, and dide sum werk with out witnessis. Genesis 39:12 And sche took the hem of his clooth, and sche seide, Slepe thou with me; and he lefte the mentil in hir hoond, and he fledde, and yede out.

He is falsely accused.

Genesis 39:13 And whanne the womman hadde seyn the clooth in hir hondis, and that sche was dispisid, Genesis 39:14 sche clepide to hir the men of hir hows, and seide to hem, Lo! my lord hath brouyt in an Ebrew man, that he schulde scorn vs; he entride to me to do leccherie with me, and whanne Y criede, and he herde my vois, Genesis 39:15 he lefte the mentil which Y helde, and he fledde out. Genesis 39:16 Therfor in to the preuyng of trouthe, sche schewide the mantil, holdun to the hosebonde turnynge ayen hoom. Genesis 39:17 And she seide, The Ebrew seruaunt, whom thou brouytist, entride to me to scorne me; and whanne he siy me crye, Genesis 39:18 he lefte the mentil which Y helde, and he fledde out. Genesis 39:19 And whanne these thingis weren herd, the lord bileuyde ouer myche to the wordis of the wijf, and was ful wrooth;

He is cast in prison.

Genesis 39:20 and he bitook Joseph in to prisoun, where the bounden men of the kyng weren kept, and he was closid there.

God is with him there.

Genesis 39:21 Forsothe the Lord was with Joseph, and hadde mercy on hym, and yaf grace to hym in the siyt of the prince of the prisoun, Genesis 39:22 which bitook in the hond of Joseph alle prisoneris that weren holdun in kepyng, and what euer thing was doon, it was vndur Joseph, nethir the prince knewe ony thing, Genesis 39:23 for alle thingis weren bitakun to Joseph; for the Lord was with hym, and dresside alle his werkis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook