Wycliffe Bible

Genesis 10

The generations of Noah.

Genesis 10:1 These ben the generaciouns of the sones of Noe, Sem, Cham, and Jafeth. And sones weren borun to hem aftir the greet flood.

The sons of Japheth.

Genesis 10:2 The sones of Jafeth weren Gomer, and Magog, and Madai, and Jauan, and Tubal, and Mosoth, and Thiras. Genesis 10:3 Forsothe the sones of Gomer weren Asseneth, and Rifath, and Thogorma. Genesis 10:4 Forsothe the sones of Jauan weren Helisa, and Tharsis, Cethym, and Dodanym; Genesis 10:5 of these sones the ylis of hethen men weren departid in her cuntrees, ech bi his langage and meynees, in hise naciouns.

The sons of Ham.

Genesis 10:6 Sotheli the sones of Cham weren Thus, and Mesraym, and Futh, and Chanaan. Genesis 10:7 Forsothe the sones of Thus weren Saba, and Euila, and Sabatha, and Regma, and Sabatacha. The sones of Regma weren Saba, and Dadan.

Nimrod the first monarch.

Genesis 10:8 Forsothe Thus gendride Nemroth; he bigan to be myyti in erthe, Genesis 10:9 and he was a strong huntere of men bifore the Lord; of hym a prouerbe yede out, as Nemroth, a strong huntere bifore the Lord. Genesis 10:10 Sotheli the bigynnyng of his rewme was Babiloyne, and Arach, and Archad, and Thalamye, in the lond of Sennaar. Genesis 10:11 Assur yede out of that lond, and bildide Nynyue, and stretis of the citee, Genesis 10:12 and Chale, and Resen bitwixe Nynyue and Chale; this is a greet citee. Genesis 10:13 And sotheli Mesraym gendride Ludym, and Anamym, and Laabym, Neptuym, Genesis 10:14 and Ferrusym, and Cesluym; of which the Filisteis and Capturym camen forth.

Genesis 10:15 Forsothe Chanaan gendride Sidon, his firste gendride sone, Ethei, Genesis 10:16 and Jebusei, and Amorrei, Gergesei, Genesis 10:17 Euei, and Arathei, Ceney, Genesis 10:18 and Aradie, Samarites, and Amathei; and puplis of Chananeis weren sowun abrood bi these men. Genesis 10:19 And the termes of Chanaan weren maad to men comynge fro Sidon to Gerara, til to Gasa, til thou entre in to Sodom and Gomore, and Adama, and Seboyne, til to Lesa. Genesis 10:20 These weren the sones of Cham, in her kynredis, and langagis, and generaciouns, and londis, and folkis.

The sons of Shem.

Genesis 10:21 Also of Sem weren borun the fadris of alle the sones of Heber, and Japhet was the more brother. Genesis 10:22 The sones of Sem weren Elam, and Assur, and Arfaxath, and Lud, and Aram. Genesis 10:23 The sones of Aram weren Vs, and Hul, and Gether, and Mes. Genesis 10:24 And sotheli Arfaxath gendride Sale, of whom Heber was borun. Genesis 10:25 And twei sones weren borun to Heber, the name to o sone was Faleg, for the lond was departid in hise daies; and the name of his brothir was Jectan. Genesis 10:26 And thilke Jectan gendride Elmodad, and Salech, and Asamoth, Jare, Genesis 10:27 and Adhuram, and Vsal, and Deda, Genesis 10:28 and Ebal, and Abymahel, Saba, Genesis 10:29 and Ofir, and Euila, and Jobab; alle these weren the sones of Jectan. Genesis 10:30 And the habitacioun of hem was maad fro Messa, as me goith til to Sefar, an hil of the eest. Genesis 10:31 These ben the sones of Sem, bi kynredis, and langagis, and cuntrees, in her folkis. Genesis 10:32 These ben the meynees of Noe, bi her puplis and naciouns; folkis in erthe weren departid of these aftir the greet flood.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook