Ezekiel 15
By the unfitness of the vine branch for any work,
Ezekiel 15:1 And the word of the Lord was maad to me, and he seide, Ezekiel 15:2 Sone of man, what schal be don to the tre of a vyne, of alle the trees of woodis, that ben among the trees of woodis? Ezekiel 15:3 Whether tymbre schal be takun therof, that werk be maad? ether shal a stake be maad therof, that ony vessel hange ther onne? Ezekiel 15:4 Lo! it is youun in to mete; fier wastide euer eithir part therof, and the myddis therof is dryuun in to deed sparcle; whether it schal be profitable to werk? Ezekiel 15:5 Yhe, whanne it was hool, it was not couenable to werk; hou myche more whanne fier hath deuourid, and hath brent it, no thing of werk schal be maad therof?
is shewed the rejection of Jerusalem.
Ezekiel 15:6 Therfor the Lord God seith thes thingis, As the tre of a vyne is among the trees of woodis, which Y yaf to fier to deuoure, so Y yaf the dwelleris of Jerusalem, Ezekiel 15:7 and Y schal sette my face ayens hem. Thei schulen go out of the fier, and fier schal waaste hem; and ye schulen wite, that Y am the Lord, whanne Y schal sette my face ayens hem, Ezekiel 15:8 and schal yyue the lond with out weie and desolat, for thei weren trespassours, seith the Lord God.
|
