Exodus 40
The Tabernacle is commanded to be reared,
Exodus 40:1 And the Lord spak to Moises, and seide, Exodus 40:2 In the firste monethe, in the firste dai of the monethe, thou schalt reise the tabernacle of witnessyng. Exodus 40:3 And thou schalt sette the arke therynne, and thou schalt leeue a veil bifore it. Exodus 40:4 And whanne the bord is borun yn, thou schalt sette ther onne tho thingis, that ben comaundid iustli. The candilstike schal stonde with hise lanternes, Exodus 40:5 and the goldun auter, where ynne encense is brent bifor the arke of witnessyng. Thou schalt sette a tente in the entryng of the tabernacle; Exodus 40:6 and bifor it the auter of brent sacrifice, Exodus 40:7 the waischyng vessel bitwixe the auter and the tabernacle, which waischyng vessel thou schalt fille with water. Exodus 40:8 And thou schalt cumpas the greet street, and the entryng ther of with tentis.
and anointed.
Exodus 40:9 And whanne thou hast take oyle of anoyntyng, thou schalt anoynte the tabernacle, with hise vessels, that tho be halewid; Exodus 40:10 the auter of brent sacrifice, and alle vessels ther of; the waischyng vessel, Exodus 40:11 with his foundement. Thou schalt anoynte alle thingis with the oile of anoyntyng, that tho be hooli of hooli thingis. Exodus 40:12 And thou schalt present Aaron and hise sones to the dore of the tabernacle of witnessyng; and, whanne thei ben waischid in water,
Aaron and his sons to be sanctified.
Exodus 40:13 thou schalt clothe hem with hooli clothis, that thei mynystre to me, Exodus 40:14 {Absent from this edition.} Exodus 40:15 and that the anoyntyng of hem profite in to euerlastynge preesthod.
Moses performeth all things accordingly.
Exodus 40:16 And Moises dide alle thingis whiche the Lord comaundide.
Exodus 40:17 Therfor in the firste monethe of the secunde yeer, in the firste dai of the monethe, the tabernacle was set. Exodus 40:18 And Moises reiside it, and settide the tablis, and foundementis, and barris, and he ordeynede pilers; Exodus 40:19 and spredde abrood the roof on the tabernacle, and puttide an hilyng aboue, as the Lord comaundide.
Exodus 40:20 He puttide also the witnessyng in the arke, and he settide barris with ynne, and Goddis answeryng place aboue. Exodus 40:21 And whanne he hadde brouyt the arke in to the tabernacle, he hangide a veil bifor it, that he schulde fille the comaundement of the Lord.
Exodus 40:22 He settide also the boord in the tabernacle of witnessyng, at the north coost, without the veil, Exodus 40:23 and he ordeynede the looues of settyng forth bifore, as the Lord comaundide to Moises.
Exodus 40:24 He settide also the candilstike in the tabernacle of witnessyng, euene ayens the boord, Exodus 40:25 in the south side, and settide lanternes bi ordre, bi the comaundement of the Lord.
Exodus 40:26 He puttide also the goldun auter vndur the roof of witnessyng, Exodus 40:27 ayens the veil, and he brente theronne encense of swete smellynge spiceries, as the Lord comaundide to Moises.
Exodus 40:28 He settide also a tente in the entryng of the tabernacle, Exodus 40:29 and the auter of brent sacrifice in the porche of the witnessyng, and he offride therynne brent sacrifice, and sacrifices, as the Lord comaundide.
Exodus 40:30 Also he ordeynede the waischyng vessel, bitwixe the tabernacle of witnessyng and the auter, and fillide it with watir. Exodus 40:31 And Moises, and Aaron, and his sones, waischiden her hondis and feet, Exodus 40:32 whanne thei entriden into the roof of boond of pees, and neiyeden to the auter, as the Lord comaundide to Moises. Exodus 40:33 He reiside also the greet street, bi the cumpas of the tabernacle and of the auter, and settyde a tente in the entryng therof. Aftir that alle thingis weren perfitli maad,
A cloud covereth the Tabernacle.
Exodus 40:34 a cloude hilide the tabernacle of witnessyng, and the glorie of the Lord fillide it; Exodus 40:35 nether Moyses myyte entre in to the tabernacle of the boond of pees, while the cloude hilide alle thingis, and the maieste of the Lord schynede, for the cloude hilide alle thingis. Exodus 40:36 If ony tyme the cloude lefte the tabernacle, the sones of Israel yeden forth bi her cumpanyes; Exodus 40:37 if the cloude hangide aboue, thei dwelliden in the same place; Exodus 40:38 for the cloude of the Lord restide on the tabernacle bi dai, and fier in the nyyt, in the siyt of the puplis of Israel, bi alle her dwellyngis.
|
