Wycliffe Bible

Exodus 39

The cloths of service, and holy garments.

Exodus 39:1 Forsothe of iacynt, and purpur, vermyloun, and bijs, he made clothis, in whiche Aaron was clothid, whanne he mynystride in hooli thingis, as the Lord comaundide to Moises.

The ephod.

Exodus 39:2 Therfor he made the cloth on the schuldris of gold, iacynt, and purpur, and of reed selk twies died, Exodus 39:3 and of bijs foldid ayen, bi werk of broiderie; also he kittide thinne goldun platis, and made thinne in to threedis, that tho moun be foldid ayen, with the warp of the formere colouris; Exodus 39:4 and he made tweyne hemmes couplid to hem silf to gidere, in euer either side of the endis; and he made a girdil of the same colouris, Exodus 39:5 as the Lord comaundide to Moises.

Exodus 39:6 And he made redi twei stonys of onychyn, boundun and closid in gold, and grauun bi the craft of worchere in iemmys, with the names of the sones of Israel; sixe names in o stoon, and sixe in the tother stoon, bi the ordre of her birthe. Exodus 39:7 And he settide tho stoonus in the sidis of the clooth on the schuldris, in to a memorial of the sones of Israel, as the Lord comaundide to Moises.

The breastplate.

Exodus 39:8 He made also the racional, by werk of broiderie, bi the werk of the cloth on the schuldris, of gold, iacynt, purpur, and reed selk twies died, and of biis foldid ayen; he made the racional foure cornerid, Exodus 39:9 double, of the mesure of foure fyngris. Exodus 39:10 And settide thereynne foure ordris of iemmes; in the firste ordre was sardius, topazius, smaragdus; Exodus 39:11 in the secounde was carbuncle, safir, iaspis; Exodus 39:12 in the thridde ordre was ligurie, achates, ametiste; Exodus 39:13 in the fourthe ordre was crisolite, onochyn, and berille, cumpassid and enclosid with gold, bi her ordris. Exodus 39:14 And tho twelue stonys weren grauyn with twelue names, of the lynage of Israel, alle stonys bi hem silf, bi the names of alle lynagis bi hem silf. Exodus 39:15 Thei maden also in the racional litle chaynes, cleuynge to hem silf togidre, Exodus 39:16 of pureste gold, and tweyne hokys, and so many ryngis of gold. Forsothe thei settiden the ryngis on euer either side of the racional, Exodus 39:17 of whiche ryngis twei goldun chaynes hangiden, whiche thei settiden in the hokis, that stonden forth in the corneris of the cloth on the schuldris. Exodus 39:18 These acordiden so to hem silf, bothe bifore and bihynde, that the cloth on the schuldris, and the racional, Exodus 39:19 weren knyt togidere, fastned to the girdil, and couplid ful strongli with ryngis, whiche ryngis a lace of iacynt ioynede togidere, lest tho weren loose, and fletiden doun, and weren moued ech from other, as the Lord comaundide to Moises. Exodus 39:20 Thei maden also a coote on the schuldris, al of iacynt; Exodus 39:21 and the hood in the hiyere part, aboute the myddis, and a wouun hemme, bi the cumpas of the hood;

The robe of the ephod.

Exodus 39:22 forsothe bynethe at the feet piyn applis of iacynt, and purpur, and vermyloun, and biys foldid ayen; Exodus 39:23 and litle bellis of pureste gold, whiche thei settiden bitwixe pum garnadis, in the lowest part of the coote, bi cumpas; Exodus 39:24 a goldun litle belle, and a piyn apple; with whiche the bischop yede ourned, whanne he was set in seruyce, as the Lord comaundide to Moises. Exodus 39:25 Thei maden also cootis of bijs, bi wouun werk, to Aaron and to hise sones, Exodus 39:26 and mytres with smale corouns of biys,

The coats, mitre, and girdle of fine linen.

Exodus 39:27 and lynnun clothis of bijs; Exodus 39:28 forsothe a girdil of bijs foldid ayen, of iacynt, purpur, and vermyloun, departid bi craft of broyderie, as the Lord comaundide to Moises. Exodus 39:29 Thei maden also a plate of hooli worschipyng, of pureste gold, and thei writeden therynne bi werk of a worchere in iemmes, The hooli of the Lord.

The plate of the holy crown.

Exodus 39:30 And thei bounden it with the mytre bi a lace of iacynt, as the Lord comaundide to Moises. Exodus 39:31 Therfor al the werk of the tabernacle, and the hilyng of the witnessyng, was parformed; and the sones of Israel diden alle thingis whiche the Lord comaundide to Moises.

All is viewed and approved by Moses.

Exodus 39:32 And thei offeriden the tabernacle, and the roof, and al the purtenaunce, ryngis, tablis, barris, pileris, and foundementis;

Exodus 39:33 the hilyng of skynnes of rammes, maad reed, and another hilyng of skynnys of iacynt; Exodus 39:34 the veil, the arke, barris, propiciatorie; Exodus 39:35 the boord with vessels, and with the looues of settyng forth; Exodus 39:36 the candilstike, lanternes, and the purtenauncis of tho, with oile; Exodus 39:37 the goldun auter, and oynement, and encense of swete smellynge spiceries; Exodus 39:38 and the tente in the entryng of the tabernacle; Exodus 39:39 the brasun auter, gridile, barris, and alle vessels therof; the greet waischyng vessel, with his foundement; the tentis of the greet street, and the pilers with her foundementis; Exodus 39:40 the tente in the entring of the greet street, and the coordis, and stakis therof. No thing of the vessels failide, that weren comaundid to be maad in to the seruyce of the tabernacle, and in to the roof of the boond of pees. Exodus 39:41 Also the sones of Israel offriden the clothis whiche the prestis, that is, Aaron and hise sones, vsen in the seyntuarie, Exodus 39:42 as the Lord comaundide. Exodus 39:43 And aftir that Moises siy alle tho thingis fillid, he blesside hem.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook