Wycliffe Bible

Exodus 36

The offerings are delivered to the workmen.

Exodus 36:1 Therfor Beseleel, and Ooliab, and ech wijs man, to whiche the Lord yaf wisdom and vndurstondyng, that thei kouden worche crafteli, maden thingis that weren nedeful in to vsis of seyntuarie, and whiche the Lord comaundide to be maad. Exodus 36:2 And whanne Moises hadde clepid hem, and ech lerned man, to whom the Lord hadde youe wisdom and kunnyng, and whiche profriden hem bi her wille to make werk, Exodus 36:3 he bitook to hem alle the yiftis of the sones of Israel. And whanne thei weren bisi in the werk ech dai, the puple offride auowis eerli. Exodus 36:4 Wherfor the werkmen weren compellid to come,

The liberality of the people is restrained.

Exodus 36:5 and thei seiden to Moises, The puple offrith more than is nedeful. Exodus 36:6 Therfor Moises comaundide to be cried bi the vois of a criere, Nether man nether womman offre more ony thing in the werk of seyntuarie; and so it was ceessid fro yiftis to be offrid, Exodus 36:7 for the thingis offrid sufficiden, and weren ouer abundant.

The curtains of cherubims.

Exodus 36:8 And alle wise men in herte to fille the werk of the tabernacle maden ten curteyns of bijs foldid ayen, and of iacynct, and purpur, and of reed selk twies died, bi dyuerse werk, and bi the craft of many colouris. Exodus 36:9 Of whiche curteyns oon hadde in lengthe eiyte and twenti cubitis, and foure cubitis in breede; o mesure was of alle curteyns. Exodus 36:10 And he ioynede fyue curteyns oon to anothir, and he couplide othere fyue to hem silf to gidere; Exodus 36:11 and he made handlis of iacynt in the hemme of o curteyn on euer either side, Exodus 36:12 and in lijk maner in the hemme of the tother curteyn, that the handlis schulen comen to gidere ayens hem silf, and schulen be ioyned togider; Exodus 36:13 wherfor he yettide also fifti goldun serclis, that schulen bite the handlis of curteyns; and o tabernacle was maad.

The curtains of goats' hair.

Exodus 36:14 He made also enleuene saies of the heeris of geet, to hile the roof of the tabernacle; Exodus 36:15 o saie hadde thretti cubitis in lengthe, foure cubitis in breede; alle the saies weren of o mesure; Exodus 36:16 of whiche saies he ioynede fyue bi hem silf, and sixe othere bi hem silf. Exodus 36:17 And he made fifti handlis in the hemme of o say, and fifti in the hemme of the tother say, that tho schulden be ioyned to hem silf to gidere; and he made fifti bokelis of bras bi whiche Exodus 36:18 the roof was fastned to gidere, that oon hilyng were maad of alle the saies.

The covering of skins.

Exodus 36:19 He made also an hilyng of the tabernacle of the skynnes of rammes maad reed, and another veil aboue of skynnes of iacynt.

The boards with their sockets.

Exodus 36:20 He made also stondynge tablis of the tabernacle of the trees of Sechym; Exodus 36:21 the lengthe of o table was of ten cubitis, and the breede helde o cubit and an half. Exodus 36:22 Twey dentyngis weren bi ech table, that the oon schulde be ioyned to the tother; so he made in al the tablis of the tabernacle. Exodus 36:23 Of whiche tablis twenti weren at the mydday coost ayens the south, Exodus 36:24 with fourti foundementis of siluer; twey foundementis weren set vndur o table on euer either side of the corneris, where the dentyngis of the sidis weren endid in the corneris. Exodus 36:25 And at the coost of the tabernacle that biholdith to the north he made twenti tablis, Exodus 36:26 with fourti foundementis of siluer, twei foundementis bi ech table. Exodus 36:27 Forsothe ayens the west he made sixe tablis, Exodus 36:28 and tweyne othere tablis bi ech corner of the tabernacle bihinde, Exodus 36:29 whiche weren ioyned fro bynethe til to aboue, and weren borun in to o ioynyng to gidere; so he made on euer either part bi the corneris, Exodus 36:30 that tho weren eiyte tablis to gidere, and hadden sixtene foundementis of siluer, that is, twei foundementis vndur ech table.

The bars.

Exodus 36:31 He made also barris of the trees of Sechym, fyue barris to holde to gidere the tablis of o side of the tabernacle, Exodus 36:32 and fyue othere barris to schappe to gidere the tablis of the tother side; and without these, he made fyue othere barris at the west coost of the tabernacle ayens the see. Exodus 36:33 He made also another barre, that schulde come bi the myddil tables fro corner til to corner. Exodus 36:34 Forsothe he ouergildide tho wallis of tablis, and yetide the siluerne foundementis of tho, and he made the goldun serclis of tho, bi whiche the barris myyten be brouyt in, and be hilide the same barris with goldun platis.

The vail.

Exodus 36:35 He made also a veil dyuerse and departid, of iacynt, and purpur, and reed selk, and bijs foldid ayen bi werk of broiderie. Exodus 36:36 He made also foure pileris of the trees of Sechym, whyche pileris with the heedis he ouergildide, and yetide the siluerne foundementis of tho.

The hanging of the door.

Exodus 36:37 He made also in the entryng of the tabernacle a tent of iacynt, and purpur, and reed selk and bijs foldid ayen bi the werk of a broydreie. Exodus 36:38 And he made fyue pileris with her heedis, whiche he hilide with gold, and he yetide the brasun foundementis of tho, whiche he hilide with gold.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook