Wycliffe Bible

Exodus 27

The altar of burnt offering, with the vessels thereof.

Exodus 27:1 Also thou schalt make an auter of the trees of Sechym, which schal haue fyue cubitis in lengthe, and so many in brede, that is, sqware, and thre cubitis in heiythe. Exodus 27:2 Forsothe hornes schulen be bi foure corneris therof; and thou schalt hile it with bras. Exodus 27:3 And thou schalt make in to the vsis of the auter pannes, to resseyue aischis, and tongis, and fleisch hookis, and resettis of fyris; thou schalt make alle vessilis of bras. Exodus 27:4 And thou schalt make a brasun gridele in the maner of a net, and bi four corneris therof schulen be foure brasun ryngis, Exodus 27:5 whiche thou schalt putte vndur the yrun panne of the auter; and the gridele schal be til to the myddis of the auter. Exodus 27:6 And thou schalt make twey barris of the auter, of the trees of Sechym, whiche barris thou schalt hile with platis of bras; Exodus 27:7 and thou schalt lede yn the barris bi the cerclis, and tho schulen be on euer eithir side of the auter, to bere. Exodus 27:8 Thou schalt make that auter not massif, but voide, and holowe with ynne, as it was schewid to thee in the hil.

The court of the Tabernacle inclosed with hangings and pillars.

Exodus 27:9 Also thou schalt make a large street of the tabernacle, in the maner of a chirche yeerd, in whos mydday coost ayens the south schulen be tentis of bijs foldid ayen; o side schal holde an hundrid cubitis in lengthe, Exodus 27:10 and twenti pileris, with so many brasun foundementis, whiche pileris schulen haue silueren heedis with her grauyngis. Exodus 27:11 In lijk maner in the north side, bi the lengthe, schulen be tentis of an hundrid cubitis, twenti pileris, and brasun foundementis of the same noumbre; and the heedis of tho pileris with her grauyngis schulen be of siluer.

Exodus 27:12 Forsothe in the breede of the large street, that biholdith to the west, schulen be tentis bi fifti cubitis, and ten pileris schulen be, and so many foundementis. Exodus 27:13 In that breede of the large street, that biholdith to the eest, schulen be fifti cubitis, Exodus 27:14 in whiche the tentis of fiftene cubitis schulen be assigned to o side, and thre pileris, and so many foundementis; Exodus 27:15 and in the tother side schulen be tentis holdynge fiftene cubitis, and thre pileris, and so many foundementis.

Exodus 27:16 Forsothe in the entryng of the greet strete schal be maad a tente of twenti cubitis, of iacynt, and purpur, and of reed selk twies died, and of bijs foldid ayen bi broideri werk; it schal haue four pileris, with so many foundementis. Exodus 27:17 Alle the pileris of the grete street bi cumpas schulen be clothid with platis of siluer, with hedis of siluer, and with foundementis of bras.

The measure of the court.

Exodus 27:18 The greet street schal ocupie an hundrid cubitis in lengthe, fifti in breede; the hiyenesse of the tente schal be of fiue cubitis; and it schal be maad of bijs foldid ayen; and it schal haue brasun foundementis. Exodus 27:19 Thou schalt make of bras alle the vesselis of the tabernacle, in to alle vsis and cerymonyes, as wel stakis therof, as of the greet street.

The oil for the lamp.

Exodus 27:20 Comaunde thou to the sones of Israel, that thei brynge to thee the clenneste oile of the trees of olyues, and powned with a pestel, that a lanterne Exodus 27:21 brenne euere in the tabernacle of witnessyng with out the veil, which is hangid in the tabernacle of witnessyng; and Aaron and hise sones schulen sette it, that it schyne bifore the Lord til the morewtid; it schal be euerlastynge worschiping bi her successiouns of the sones of Israel.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook