Wycliffe Bible

Ephesians 2

By comparing what we were

Ephesians 2:1 And whanne ye weren deed in youre giltis and synnes, Ephesians 2:2 in which ye wandriden sum tyme aftir the cours of this world, aftir the prince of the power of this eir, of the spirit that worchith now in to the sones of vnbileue;

by nature,

Ephesians 2:3 in which also we alle lyueden sum tyme in the desiris of oure fleisch, doynge the willis of the fleisch and of thouytis, and we weren bi kynde the sones of wraththe, as othere men; Ephesians 2:4 but God, that is riche in merci, for his ful myche charite in which he louyde vs,

with what we are by grace,

Ephesians 2:5 yhe, whanne we weren deed in synnes, quikenede vs togidere in Crist, bi whos grace ye ben sauyd, and ayen reiside togidere, Ephesians 2:6 and made togidere to sitte in heuenli thingis in Crist Jhesu; Ephesians 2:7 that he schulde schewe in the worldis aboue comynge the plenteuouse ritchessis of his grace in goodnesse on vs in Crist Jhesu. Ephesians 2:8 For bi grace ye ben sauyd bi feith, and this not of you; for it is the yifte of God, Ephesians 2:9 not of werkis, that no man haue glorie.

he declareth, that we are made for good works:

Ephesians 2:10 For we ben the makyng of hym, maad of nouyt in Crist Jhesu, in good werkis, whiche God hath ordeyned, that we go in tho werkis.

and should not live as Gentiles,

Ephesians 2:11 For which thing be ye myndeful, that sumtyme ye weren hethene in fleisch, which weren seid prepucie, fro that that is seid circumcisioun maad bi hond in fleisch;

and foreigners in time past,

Ephesians 2:12 and ye weren in that time with out Crist, alienyd fro the lyuyng of Israel, and gestis of testamentis, not hauynge hope of biheest, and with outen God in this world.

being brought near by Christ,

Ephesians 2:13 But now in Crist Jhesu ye that weren sum tyme fer, ben maad nyy in the blood of Crist. Ephesians 2:14 For he is oure pees, that made bothe oon, and vnbyndynge the myddil wal of a wal with out morter, enmytees in his fleisch; Ephesians 2:15 and auoidide the lawe of maundementis bi domes, that he make twei in hym silf in to a newe man, Ephesians 2:16 makynge pees, to recounsele bothe in o bodi to God bi the cros, sleynge the enemytees in hym silf. Ephesians 2:17 And he comynge prechide pees to you that weren fer, and pees to hem that weren niy; Ephesians 2:18 for bi hym we bothe han niy comyng in o spirit to the fadir.

but as citizens with the saints, and the family of God.

Ephesians 2:19 Therfor now ye ben not gestis and straungeris, but ye ben citeseyns of seyntis, and houshold meine of God; Ephesians 2:20 aboue bildid on the foundement of apostlis and of profetis, vpon that hiyeste corner stoon, Crist Jhesu; Ephesians 2:21 in whom ech bildyng maad waxith in to an hooli temple in the Lord. Ephesians 2:22 In whom also be ye bildid togidere in to the habitacle of God, in the Hooli Goost.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook