Wycliffe Bible

Ecclesiastes 7

Remedies against vanity are, a good name,

Ecclesiastes 7:1 A good name is betere than preciouse oynementis; and the dai of deth is betere than the dai of birthe.


Ecclesiastes 7:2 It is betere to go to the hous of morenyng, than to the hous of a feeste; for in that hous of morenyng the ende of alle men is monestid, and a man lyuynge thenkith, what is to comynge. Ecclesiastes 7:3 Yre is betere than leiyyng; for the soule of a trespassour is amendid bi the heuynesse of cheer. Ecclesiastes 7:4 The herte of wise men is where sorewe is; and the herte of foolis is where gladnesse is. Ecclesiastes 7:5 It is betere to be repreued of a wijs man, than to be disseyued bi the flateryng of foolis; Ecclesiastes 7:6 for as the sown of thornes brennynge vndur a pot, so is the leiyyng of a fool. But also this is vanyte.


Ecclesiastes 7:7 Fals chalenge disturblith a wijs man, and it schal leese the strengthe of his herte. Ecclesiastes 7:8 Forsothe the ende of preyer is betere than the bigynnyng. A pacient man is betere than a proud man. Ecclesiastes 7:9 Be thou not swift to be wrooth; for ire restith in the bosum of a fool. Ecclesiastes 7:10 Seie thou not, What gessist thou is of cause, that the formere tymes weren betere than ben now? for whi siche axyng is fonned.


Ecclesiastes 7:11 Forsothe wisdom with richessis is more profitable, and profitith more to men seynge the sunne. Ecclesiastes 7:12 For as wisdom defendith, so money defendith; but lernyng and wisdom hath this more, that tho yyuen lijf to her weldere. Ecclesiastes 7:13 Biholde thou the werkis of God, that no man may amende hym, whom God hath dispisid. Ecclesiastes 7:14 In a good day vse thou goodis, and bifore eschewe thou an yuel day; for God made so this dai as that dai, that a man fynde not iust playnyngis ayens hym. Ecclesiastes 7:15 Also Y siy these thingis in the daies of my natyuyte; a iust man perischith in his riytfulnesse, and a wickid man lyueth myche tyme in his malice. Ecclesiastes 7:16 Nyle thou be iust myche, nether vndurstonde thou more than is nedeful; lest thou be astonyed. Ecclesiastes 7:17 Do thou not wickidli myche, and nyle thou be a fool; lest thou die in a tyme not thin. Ecclesiastes 7:18 It is good, that thou susteyne a iust man; but also withdrawe thou not thin hond from hym; for he that dredith God, is not necligent of ony thing. Ecclesiastes 7:19 Wisdom hath coumfortid a wise man, ouer ten pryncis of a citee. Ecclesiastes 7:20 Forsothe no iust man is in erthe, that doith good, and synneth not. Ecclesiastes 7:21 But also yyue thou not thin herte to alle wordis, that ben seid; lest perauenture thou here thi seruaunt cursynge thee; Ecclesiastes 7:22 for thi conscience woot, that also thou hast cursid ofte othere men.

The difficulty of wisdom.

Ecclesiastes 7:23 I asayede alle thingis in wisdom; Y seide, I schal be maad wijs, and it yede awei ferthere fro me, myche more than it was; Ecclesiastes 7:24 and the depthe is hiy, who schal fynde it? Ecclesiastes 7:25 I cumpasside alle thingis in my soule, to kunne, and biholde, and seke wisdom and resoun, and to knowe the wickidnesse of a fool, and the errour of vnprudent men. Ecclesiastes 7:26 And Y foond a womman bitterere than deth, which is the snare of hunteris, and hir herte is a net, and hir hondis ben boondis; he that plesith God schal ascape hir, but he that is a synnere, schal be takun of hir. Ecclesiastes 7:27 Lo! Y foond this, seide Ecclesiastes, oon and other, that Y schulde fynde resoun, Ecclesiastes 7:28 which my soule sekith yit; and Y foond not. I foond o man of a thousynde; Y foond not a womman of alle. Ecclesiastes 7:29 I foond this oonli, that God made a man riytful; and he medlide hym silf with questiouns with out noumbre. Who is siche as a wijs man? and who knowith the expownyng of a word?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook