Wycliffe Bible

Ecclesiastes 3

By the necessary change of times, vanity is added to human travail.

Ecclesiastes 3:1 Alle thingis han tyme, and alle thingis vndur sunne passen bi her spaces. Ecclesiastes 3:2 Tyme of birthe, and time of diyng; tyme to plaunte, and tyme to drawe vp that that is plauntid. Ecclesiastes 3:3 Tyme to sle, and tyme to make hool; tyme to distrie, and tyme to bilde. Ecclesiastes 3:4 Tyme to wepe, and tyme to leiye; tyme to biweile, and tyme to daunse. Ecclesiastes 3:5 Tyme to scatere stoonys, and tyme to gadere togidere; tyme to colle, and tyme to be fer fro collyngis. Ecclesiastes 3:6 Tyme to wynne, and tyme to leese; tyme to kepe, and tyme to caste awei. Ecclesiastes 3:7 Tyme to kitte, and tyme to sewe togidere; tyme to be stille, and tyme to speke. Ecclesiastes 3:8 Tyme of loue, and tyme of hatrede; tyme of batel, and tyme of pees. Ecclesiastes 3:9 What hath a man more of his trauel? Ecclesiastes 3:10 I siy the turment, which God yaf to the sones of men, that thei be occupied therynne.

There is an excellency in God's works:

Ecclesiastes 3:11 God made alle thingis good in her tyme, and yaf the world to disputyng of hem, that a man fynde not the werk which God hath wrouyt fro the bigynnyng til in to the ende. Ecclesiastes 3:12 And Y knew that no thing was betere to a man, no but to be glad, and to do good werkis in his lijf. Ecclesiastes 3:13 For whi ech man that etith and drinkith, and seeth good of his trauel; this is the yifte of God. Ecclesiastes 3:14 I haue lerned that alle werkis, whiche God made, lasten stidfastli til in to with outen ende; we moun not adde ony thing to tho, nether take awei fro tho thingis, whiche God made, that he be dred. Ecclesiastes 3:15 That thing that is maad, dwellith perfitli; tho thingis that schulen come, weren bifore; and God restorith that, that is goon.

but as for man, God shall judge his works there, and here he shall be like a beast.

Ecclesiastes 3:16 I siy vndur sunne vnfeithfulnesse in the place of doom; and wickidnesse in the place of riytfulnesse. Ecclesiastes 3:17 And Y seide in myn herte, The Lord schal deme a iust man, and an vnfeithful man; and the tyme of ech thing schal be thanne. Ecclesiastes 3:18 I seide in myn herte of the sones of men, that God schulde preue hem, and schewe that thei ben lijk vnresonable beestis. Ecclesiastes 3:19 Therfor oon is the perisching of man and of beestis, and euene condicioun is of euer eithir; as a man dieth, so and tho beestis dien; alle beestis brethen in lijk maner, and a man hath no thing more than a beeste. Ecclesiastes 3:20 Alle thingis ben suget to vanyte, and alle thingis goen to o place; tho ben maad of erthe, and tho turnen ayen togidere in to erthe. Ecclesiastes 3:21 Who knowith, if the spirit of the sones of Adam stieth vpward, and if the spirit of beestis goith dounward? Ecclesiastes 3:22 And Y perseyuede that no thing is betere, than that a man be glad in his werk, and that this be his part; for who schal brynge hym, that he knowe thingis that schulen come after hym?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook