Wycliffe Bible

Deuteronomy 20

The priest's exhortation to encourage the people to battle.

Deuteronomy 20:1 If thou goist out to batel ayens thin enemyes, and seest multitude of knyytis, and charis, and grettere multitude of the aduersarie oost than thou hast, thou schalt not drede hem; for thi Lord God is with thee, that ledde thee out of the lond of Egipt. Deuteronomy 20:2 Sotheli whanne the batel neiyeth now, the preest schal stonde bifor the scheltrun, and thus he schal speke to the puple, Deuteronomy 20:3 Thou, Israel, here to dai, ye han batel ayens youre enemyes; youre herte drede not, nyle ye drede; nyle ye yyue stede, drede ye not hem; Deuteronomy 20:4 for youre Lord God is in the myddis of you, and he schal fiyte for you ayens aduersaries, that he delyuere you fro perel.

The officers' proclamation who are to be dismissed from the war.

Deuteronomy 20:5 Also the duykis schulen crie bi alle cumpanyes, while the oost schal here, Who is a man that bildide a newe hows, and halewide not it? go he and turne ayen into his hows, lest perauenture he die in batel, and another man halewe it. Deuteronomy 20:6 Who is a man that plauntide a vyner, and not yit made it to be comyn, and of which it is leeueful to alle men to ete? go he, and turne ayen in to his hows, lest perauenture he die in batel, and anothir man be set in his office. Deuteronomy 20:7 Who is a man that spowside a wijf, and took not hir bi fleischli knowyng? go he, and turne ayen in to his hows, lest perauenture he die in batel, and anothir man take hir. Deuteronomy 20:8 Whanne these thingis ben seid, thei schulen adde othere thingis, and schulen speke to the peple, Who is a ferdful man, and of gastful herte? go he, and turne ayen in to his hows, lest he make the hertis of his britheren for to drede, as he is agast bi drede. Deuteronomy 20:9 And whanne the duykis of the oost ben stille, and han maad ende of speking, ech of the princis and cheuenteyns of the oost schal make redie his cumpeneyes to batel.

How to use the cities that accept or refuse the proclamation of peace.

Deuteronomy 20:10 If ony tyme thou schalt go to a citee to ouercome it, first thou schalt profire pees to it. Deuteronomy 20:11 If the citee resseyueth, and openeth to thee the yatis, al the puple that is ther ynne schal be saued, and schal serue thee vndur tribut. Deuteronomy 20:12 Sotheli if they nylen make boond of pees, and bigynnen batel ayens thee, thou schalt fiyte ayens it. Deuteronomy 20:13 And whanne thi Lord God hath bitake it in thin hond, thou schalt smyte bi the scharpnesse of swerd al thing of male kynde which is ther ynne, Deuteronomy 20:14 with out wymmen, and yonge children, beestis and othere thingis that ben in the citee. Thou schalt departe al the prey to the oost, and thou schalt ete of the spuylis of thin enemyes, whiche spuylis thi Lord God yaf to thee. Deuteronomy 20:15 Thus thou schalt do to alle the citees, that ben ful fer fro thee, and ben not of these citees which thou schalt take in to possessioun.

What cities must be devoted.

Deuteronomy 20:16 Sotheli of these citees that schulen be youun to thee, thou schalt not suffre eny to lyue, Deuteronomy 20:17 but thou schalt sle bi the scharpnesse of swerd; that is to seie, Ethei, and Ammorrey, and Cananei, Ferezei, Euey, and Jebusei, as thi Lord God comaundide to thee; Deuteronomy 20:18 lest perauenture thei techen you to do alle abhomynaciouns, whiche thei wrouyten to her goddis, and ye doon synne ayens youre Lord God.

Trees of man's meat must not be destroyed in the siege.

Deuteronomy 20:19 Whanne thou hast bisegid a citee in myche tyme, and hast cumpassid with strengthingis that thou ouercome it, thou schalt not kitte doun trees, of whiche me may ete, nether thou schalt waste the cuntrey bi cumpas with axis; for it is a tree, and not man, nether it may encresse the noumbre of fiyteris ayens thee. Deuteronomy 20:20 Forsothe if onye ben not appil trees, but of the feeld, and ben able in to othere vsis, kitte doun, and make thou engynes, til thou take the citee that fiytith ayens thee.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook