An exhortation to obedience,
Deuteronomy 11:1 Therfor loue thi Lord God, and kepe thou hise comaundementis and cerymonyes, domes and heestis, in al tyme.
by their own experience of God's great works,
Deuteronomy 11:2 Knowe ye to day tho thingis whiche youre sones knowen not, whiche sones sien not the doctryn of youre Lord God, hise grete dedis, and strong hond, and arm holdun forth, Deuteronomy 11:3 myraclis and werkis, whiche he dide in the myddis of Egipt to Farao, kyng, and to al the lond of hym, and to al the oost of Egipcians, Deuteronomy 11:4 and to horsis, and carris; hou the watris of the reed see hiliden hem, whanne thei pursueden you, and the Lord dide awei hem til in to present dai; Deuteronomy 11:5 and whiche thingis the Lord dide to you in wildernesse, til ye camen to this place; Deuteronomy 11:6 and to Dathan and Abiron, the sones of Heliab, that was the sone of Ruben, whiche the erthe swolewide, whanne his mouth was openyd, with the housis and tabernaclis, and al the catel of hem which thei hadden, in the myddis of Israel. Deuteronomy 11:7 Youre iyen sien alle the grete werkis of the Lord, whiche he dide,
and by promise of God's great blessings.
Deuteronomy 11:8 that ye kepe alle hise heestis whiche Y comaunde to dai to you, and that ye moun entre, and welde the lond, Deuteronomy 11:9 to which ye schulen entre, and ye lyue therynne in myche time; which lond, flowynge with mylk and hony, the Lord bihiyte vndur an ooth to youre fadris and to the seed of hem.
Deuteronomy 11:10 For the lond, to which thou schalt entre to welde, is not as the lond of Egipt, out of which thou yedist, where whanne the seed is cast in the maner of gardyns, moist waters ben led; Deuteronomy 11:11 but it is hilli, and feldi, and abidith reynes fro heuene, Deuteronomy 11:12 which lond thi Lord God biholdith, and hise iyen ben therynne, fro the bigynnyng of the yeer til to the ende therof.
A careful study is required in God's Words.
Deuteronomy 11:13 Therfor if ye schulen obeie to myn heestis whiche Y comaunde to dai to you, that ye loue youre Lord God, and serue hym in al youre herte, and in al youre soule; Deuteronomy 11:14 he schal yyue to youre lond reyn tymeful and late, that ye gadere wheete, and wyn, and oile, Deuteronomy 11:15 hey of the feeldis to feede beestis, that ye bothe ete and be fillid.
An exhortation to obedience by threatenings.
Deuteronomy 11:16 Be ye war, lest perauenture youre herte be disseyued, and ye go awei fro the Lord, and serue alien goddis, and worschipe hem; Deuteronomy 11:17 and the Lord be wrooth, and close heuene, and reynes come not doun, nether the erthe yyue his fruyt, and ye perische swiftli fro the beste lond which the Lord schal yyue to you.
Deuteronomy 11:18 Putte ye thes wordis in youre hertes and soules, and honge ye tho wordis for a signe in the hondis, and sette ye bitwixe youre iyen. Deuteronomy 11:19 Teche youre sones, that thei thenke on tho wordis, whanne thou sittist in thin hows, and goist in the weie, and lyggist doun, and risist. Deuteronomy 11:20 Thou schalt write tho wordis on the postis, and yatis of thin hous, Deuteronomy 11:21 that the daies of thee and of thi sones be multiplied in the lond which the Lord swoor to thi fadris, that he schulde yyue to hem, as long as heuene is aboue erthe.
Deuteronomy 11:22 For if ye kepen the heestis whiche Y comaunde to you, and ye do tho, that ye loue youre Lord God, and go in alle hise weies, Deuteronomy 11:23 and cleue to hym, the Lord schal destrie alle these hethen men bifor youre face, and ye schulen welde tho folkis that ben grettere and strongere than ye. Deuteronomy 11:24 Ech place which youre foot schal trede, schal be youre; fro the deseert, and fro the Liban, and fro the greet flood Eufrates til to the west see, schulen be youre termes. Deuteronomy 11:25 Noon schal stonde ayens you; youre Lord God schal yiue youre outward drede and inward drede on ech lond which ye schulen trede, as he spak to you.
The blessing and curse is set before them.
Deuteronomy 11:26 Lo! Y sette forth in youre siyt to day blissyng and cursyng; Deuteronomy 11:27 blessyng, if ye obeien to the heestis of youre Lord God, whiche Y comaunde to you to dai; Deuteronomy 11:28 cursyng, if ye heren not the heestis of youre Lord God, but goen awei fro the weie which Y schewe now to you, and goen after alien goddis whiche ye knowen not. Deuteronomy 11:29 Sotheli whanne thi Lord God hath brouyt thee in to the lond, to which to enhabite thou goist, thou schalt sette blessyng on the hil Garisym, cursyng on the hil Hebal, whiche hillis ben biyende Jordan, Deuteronomy 11:30 aftir the weie that goith to the goyng doun of the sunne, in the lond of Cananey, that dwellith in the feeldi places ayens Galgala, which is bisidis the valey goynge and entrynge fer. Deuteronomy 11:31 For ye schulen passe Jordan, that ye welde the lond which youre Lord God schal yyue to you, and that ye haue and welde that lond. Deuteronomy 11:32 Therfor se ye, that ye fille the cerymonyes and domes, whiche I schal sette to dai in youre siyt.