Wycliffe Bible

2 Samuel 4

The Israelites being troubled at the death of Abner,

2 Samuel 4:1 Forsothe Isbosech, the sone of Saul, herde that Abner hadde falde doun in Ebron; and hise hondis weren discoumfortid, and al Israel was disturblid.

Baanah and Rechab slay Ish-bosheth, and bring his head to Hebron.

2 Samuel 4:2 Forsothe twei men, princes of theues, weren to the sone of Saul; name to oon was Baana, and name to the tother was Rechab, the sones of Remmon Berothite, of the sones of Beniamyn; for also Beroth is arettid in Beniamyn. 2 Samuel 4:3 And men of Beroth fledden in to Gethaym; and thei weren comelyngis there til to that tyme. 2 Samuel 4:4 Forsothe a sone feble in feet was to Jonathas, the sone of Saul; forsothe he was fyue yeer eld, whanne the messanger cam fro Saul and Jonathas, fro Jezrael. Therfor his nurse took hym, and fledde; and whanne sche hastide to fle, sche felde doun, and the child was maad lame; and he hadde a name Myphibosech. 2 Samuel 4:5 Therfor Rechab and Baana, sones of Remmon of Beroth, camen, and entriden in the hoot dai in to the hows of Isbosech, that slepte on his bed in myd dai, and the womman oischer of the hous clensynge wheete, slepte strongli. 2 Samuel 4:6 Forsothe thei entriden into the hows pryueli, and token eeris of whete; and Rechab, and Baana, his brother, smytiden Isbosech in the schar, and fledden. 2 Samuel 4:7 Sotheli whanne thei hadden entrid in to the hous, he slepte on his bedde in a closet; and thei smytiden and killiden hym; and whanne his heed was takun, thei yeden bi the weie of deseert in al the nyyt. 2 Samuel 4:8 And thei brouyten the heed of Isbosech to Dauid, in Ebron, and thei seiden to the kyng, Lo! the heed of Isbosech, sone of Saul, thin enemy, that souyte thi lijf; and the Lord yaf to dai to oure lord the kyng veniaunce of Saul and of his seed.

David causeth them to be slain, and Ish-bosheth's head to be buried.

2 Samuel 4:9 Forsothe Dauid answeride to Rechab, and Baana, his brother, the sones of Remmon of Beroth, and seide to hem, The Lord lyueth, that delyueride my lijf fro al angwisch; 2 Samuel 4:10 for Y helde hym that telde to me, and seide, Saul is deed, which man gesside hym silf to telle prosperitees, and Y killide hym in Sichelech, to whom it bihofte me yyue meede for message; 2 Samuel 4:11 hou myche more now, whanne wickid men han slayn a giltles man in his hows on his bed, schal I not seke his blood of youre hond, and schal Y do awey you fro erthe? 2 Samuel 4:12 Therfor Dauid comaundide to his children, and thei killiden hem; and thei kittiden awei the hondis and feet of hem, and hangiden hem ouer the cisterne in Ebron. Forsothe thei token the heed of Isbosech, and birieden in the sepulcre of Abner, in Ebron.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook