Wycliffe Bible

2 Samuel 3

During the war David still waxeth stronger.

2 Samuel 3:1 Therfor long strijf was maad bitwixe the hows of Dauid and bitwixe the hows of Saul; and Dauid profitide and euere was strongere than hym silf, forsothe the hows of Saul decreesside ech dai.

Six sons were born to him in Hebron.

2 Samuel 3:2 And sones weren borne to Dauid in Ebron; and his firste gendrid sone was Amon, of Achynoem of Jezrael; 2 Samuel 3:3 and aftir hym was Celeab, of Abigail, wijf of Nabal of Carmele; sotheli the thrydde was Absolon, the sone of Maacha, douytir of Tholomay, kyng of Gessur; 2 Samuel 3:4 forsothe the fourthe was Adonyas, the sone of Agith; and the fyuethe was Saphacias, the sone of Abitail; and the sixte was Gethraam of Egla, 2 Samuel 3:5 the wijf of Dauid. These weren borne to Dauid in Ebron.

Abner, displeased with Ish-bosheth,

2 Samuel 3:6 Therfor whanne batel was bytwixe the hows of Saul and the hows of Dauid, Abner, the sone of Ner, gouernyde the hows of Saul. 2 Samuel 3:7 Sotheli a concubyn, that is, a secoundarie wijf, Respha bi name, the douytir of Achia, was to Saul; and Abner entride to hir. 2 Samuel 3:8 And Isbosech seide to Abner, Whi entridist thou to the concubyn of my fadir? Which was wrooth greetli for the wordis of Isbosech, and seide, Whether Y am the heed of a dogge ayens Juda to dai, and Y have do merci on the hous of Saul, thi fadir, and on hise britheren, and neiyboris, and Y bitook not thee in to the hondis of David, and thou hast souyt in me that, that thou schuldist repreue me for a womman to dai? 2 Samuel 3:9 God do these thingis to Abner, and adde these thingis to hym, no but as the Lord swoor to Dauid, so Y do with hym, 2 Samuel 3:10 that the rewme be translatid fro the hous of Saul, and the trone of Dauid be reisid on Israel and on Juda, fro Dan til to Bersabee. 2 Samuel 3:11 And Isbosech myyte not answere ony thing to Abner, for he dredde Abner.

revolteth to David.

2 Samuel 3:12 Therfor Abner sente messangeris to Dauid, and thei seiden for hym, Whos is the lond? and that the messangeris schulden speke, Make thou frenschipis with me, and myn hond schal be with thee, and Y schal brynge al Israel to thee.

David requireth a condition to bring him his wife Michal.

2 Samuel 3:13 And Dauid seide, Best Y schal make frenschipis with thee, but Y axe of thee o thing, and seie, Thou schalt not se my face, bifore that thou brynge Mycol, the douyter of Saul, and so thou schalt come, and schalt se me. 2 Samuel 3:14 Therfor Dauid sente messangeris to Isbosech, the sone of Saul, and seide, Yelde thou my wijf Mycol, whom Y spouside to me for an hundryd prepucies of Filisteis. 2 Samuel 3:15 Therfor Isbosech sente, and took hir fro hir hosebonde, Faltiel, son of Lais; 2 Samuel 3:16 and hir hosebonde suede hir and wepte til Bahurym. And Abner seide to hym, Go thou, and turne ayen; and he turnede ayen.

Abner, having communed with the Israelites, is feasted by David and dismissed.

2 Samuel 3:17 Also Abner brouyte in a word to the eldere men of Israel, and seide, Bothe yistirdai and the thridde dai ago ye souyten Dauid, that he schulde regne on you. 2 Samuel 3:18 Now therfor do ye; for the Lord spak to Dauid, and seide, In the hond of my seruaunt Dauid Y schal saue my puple Israel fro the hond of Filisteis, and of alle his enemyes. 2 Samuel 3:19 Forsothe Abner spak also to Beniamyn, and he yede, that he schulde speke to Dauid, in Ebron, alle thingis that plesiden Israel and al Beniamin. 2 Samuel 3:20 And he cam to Dauid in Ebron with twenti men. And Dauid made a feeste to Abner, and to the men that camen with hym. 2 Samuel 3:21 And Abner seide to Dauid, Y schal rise, that Y gadere al Israel to thee, my lord the kyng, and that Y make boond of pees with thee, and that thou regne on alle, as thi soule desirith. Therfor whanne Dauid hadde ledde forth Abner, and he hadde go in pees,

Joab, returning from battle, is displeased with the king and killeth Abner.

2 Samuel 3:22 anoon the children of Dauid and Joab camen with a ful grete prey, whanne theues weren slayn; sotheli Abner was not with Dauid, in Ebron, for Dauid hadde left hym, and he yede forth in pees. 2 Samuel 3:23 And Joab, and the oostis that weren with hym, camen aftirward; therfor it was teld to Joab of telleris, Abner, the sone of Ner, cam to the kyng, and the kyng lefte hym, and he yede in pees. 2 Samuel 3:24 And Joab entride to the kyng, and seide, What hast thou do? Lo! Abner cam to thee; whi leftist thou hym, and he yede, and departide? 2 Samuel 3:25 Knowist thou not Abner, the sone of Ner, for herto he cam to thee, that he schulde disseyue thee, and that he schulde knowe thi going out and thin entryng, and schulde knowe alle thingis whiche thou doist? 2 Samuel 3:26 Therfor Joab yede out fro Dauid, and sente messangeris aftir Abner; and ledde hym ayen fro the cisterne of Cyrie, while Dauid knew not. 2 Samuel 3:27 And whanne Abner hadde come ayen in to Ebron, Joab ledde hym asidis half to the myddil of the yate, that he schulde speke to hym in gile; and he smoot Abner there in the schar, and he was deed, in to the veniaunce of the blood of his brother Asahel.

David curseth Joab,

2 Samuel 3:28 That whanne Dauid hadde herd the thing doon, he seide, Y am clene and my rewme anentis God til in to with outen ende fro the blood of Abner, sone of Ner; 2 Samuel 3:29 and come it on the heed of Joab, and on al the hows of his fadir; a man suffrynge flux of seed, and a leprouse man, holdynge spyndil, and fallynge bi swerd, and hauynge nede to breed, that is, suffrynge hungur, faile not of the hows of Joab. 2 Samuel 3:30 Therfor Joab, and Abisay, his brother, killiden Abner, for he hadde slayn Asahel, her brother, in Gabaon, in batel.

and mourneth for Abner.

2 Samuel 3:31 Forsothe Dauid seide to Joab, and to al the puple that was with hym, To rende ye your clothis, and be ye gird with sackis, and biweile ye bifor the heersis, ether dirige, of Abner. Forsothe kyng Dauid suede the beere. 2 Samuel 3:32 And whanne thei hadden biried Abner in Ebron, kyng Dauid reiside his vois, and wepte on the biriel of Abner; forsothe and al the puple wepte. 2 Samuel 3:33 And the kyng biweilide, and bymorenyde Abner, and seide, Abner, thou diedist not as dredeful men, ethir cowardis, ben wont to die. 2 Samuel 3:34 Thin hondis weren not boundun, and thi feet weren not greuyd with stockis, but thou feldist doun, as men ben wont to falle bifor the sones of wickidnesse. And al the puple doublide togidere, and wepte on hym. 2 Samuel 3:35 And whanne al the multitude cam to take mete with Dauid, while the dai was yit cleer, Dauid swoor, and seide, God do to me these thingis, and adde these thingis, if Y schal taast breed ethir ony othir thing bifor the going doun of the sune. 2 Samuel 3:36 And al the puple herde; and alle thingis which the kyng dide in the siyt of al the puple plesiden hem; 2 Samuel 3:37 and al the comyn puple and al Israel knewe in that day, that it was not doon of the kyng, that Abner, the sone of Ner, was slayn. 2 Samuel 3:38 Also the kyng seide to hise seruauntis, Whether ye witen not, that the prince and gretteste felde doun to dai in Israel? 2 Samuel 3:39 Forsothe Y am delicat, ether tendir, yit and anoyntid kyng; sotheli these sones of Saruye ben hard to me; the Lord yelde to hym that doith yuel bi his malice.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook