Wycliffe Bible

2 Samuel 23

David, in his last words, professeth his faith in God's promises to be beyond sense or experience.

2 Samuel 23:1 Forsothe these ben the laste wordis, whiche Dauid, the sone of Ysai, seide. The man seide, to whom it is ordeyned of Crist, of the God of Jacob, the noble salm makere of Israel; 2 Samuel 23:2 The spiryt of the Lord spak bi me, and his word bi my tunge. 2 Samuel 23:3 Dauid seide, God of Israel spak to me, the stronge of Israel, the iust Lord of men, is Lord in the drede of God. 2 Samuel 23:4 As the liyt of the morewtid, whanne the sunne risith eerli, is briyt with out cloudis; and as an erbe cometh forth of the erthe bi reynes. 2 Samuel 23:5 And myn hows is not so greet anentis God, that he schulde make with me euerlastynge couenaunt, stidefast and maad strong in alle thingis; for al myn helthe hangith of him, and al the wille that is, al my desir, goith in to hym, and no thing is therof, that makith not fruyt.

The different state of the wicked.

2 Samuel 23:6 Forsothe alle trespassouris schulen be drawun out as thornes, that ben not takun with hondis. 2 Samuel 23:7 And if ony man wole touche tho, he schal be armed with irun, and with tre formed in to spere; and the thornes schulen be kyndlid, and schulen be brent til to nouyt.

A catalogue of David's mighty men.

2 Samuel 23:8 These ben the names of the stronge men of Dauid. Dauid sittith in the chaier, the wiseste prince among thre; he is as a moost tendir worm of tree, that killide eiyte hundrid with o fersnesse. 2 Samuel 23:9 Aftir hym was Eleazar, the sone of his fadirs brother Abohi; among thre stronge men, that weren with Dauid, whanne thei seiden schenschip to Filisteis, and weren gaderid thidir in to batel. 2 Samuel 23:10 And whanne the men of Israel hadden stied, he stood, and smoot Filisties, til his hond failide, and was starke with the swerd. And the Lord made greet helthe in that dai; and the puple that fledde turnedc ayen to drawe awei the spuylis of slayn men. 2 Samuel 23:11 And aftir hym was Semma, the sone of Age, of Arari. And Filisteis weren gaderid in the stacioun; forsothe there was a feeld ful of lente; and whanne the puple fledde fro the face of Filisteis, 2 Samuel 23:12 he stood in the myddis of the feeld, and bihelde it; and he smoot Filisteis, and the Lord made greet helthe. 2 Samuel 23:13 Also and thre men yeden doun bifore, that weren princes among thretti, and camen to Dauid in the tyme of reep in to the denne of Odollam. Forsothe the castels of Filisteis weren set in the valei of giauntis. 2 Samuel 23:14 And Dauid was in a strong hold; sotheli the stacioun of Filisteis was thanne in Bethleem. 2 Samuel 23:15 Therfor Dauid desiride water of the lake, and seide, If ony man wolde yyue to me drynk of watir of the cisterne, which is in Bethleem, bisidis the yate. 2 Samuel 23:16 Therfor thre stronge men braken in to the castels of Filisteis, and drowen watir of the cisterne of Bethleem, that was bisidis the yate, and brouyten to Dauid; and he nolde drinke, 2 Samuel 23:17 but offride it to the Lord, and seide, The Lord be merciful to me, that Y do not this; whether Y schal drynke the blood of these men, that yeden forth, and the perel of soulis? Therfor he nolde drynke. Thre strongeste men diden thes thingis. 2 Samuel 23:18 Also Abisay, brother of Joab, the sone of Saruye, was prince of thre; he it is that reiside his schaft ayens thre hundrid men, whiche he killide; he was nemid among thre, 2 Samuel 23:19 and was the noblere among thre, and he was the prince of hem; but he cam not to the thre firste men. 2 Samuel 23:20 And Banaye, the sone of Joiada, strongeste man of grete werkis, of Capseel, he smoot twei liouns of Moab, that is, twei knyytis hardi as liouns; and he yede doun, and smoot a lioun in the myddil cisterne in the daies of snow. 2 Samuel 23:21 Also he killide a man of Egipt, a man worthi of spectacle, hauynge a spere in the hond; therfor whanne he hadde come doun with a yerde to that man, bi miyt he wrooth out the spere fro the hond of the man of Egipt, and killide hym with his owne spere. 2 Samuel 23:22 Banaye, sone of Joiada, dide these thingis; 2 Samuel 23:23 and he was nemyed among thre stronge men, that weren among the thretti noblere men; netheles he cam not til to the thre. And Dauid made hym a counselour of priuyte to hym silf. 2 Samuel 23:24 Asahel, the brother of Joab, was among thretti men; Eleanan, the sone of his fadris brother, of Bethleem; 2 Samuel 23:25 Semma, of Arari; Elcha, of Arodi; 2 Samuel 23:26 Helas, of Phelti; Hira, sone of Aches, of Thecua; 2 Samuel 23:27 Abiezer, of Amatoth; Mobannoy, of Cosathi; 2 Samuel 23:28 Selmon, of Achotes; Macharai, of Nethopath; 2 Samuel 23:29 Heled, the sone of Baana, and he was of Netophath; Hiray, sone of Rabai, of Gebeeth, of the sones of Beniamyn; 2 Samuel 23:30 Banay, of Effrata; Hedday, of the stronde of Gaas; 2 Samuel 23:31 Abiadon, of Arbath; Asmaneth, of Berromy; 2 Samuel 23:32 Eliaba, of Sabony; sones of Assen, Jonathan, and Jasan; 2 Samuel 23:33 Semma, of Herodi; Hayam, sone of Sarai, of Zaroth; 2 Samuel 23:34 Eliphelech, sone of Saalbai, the sone of Maachati; Heliam, sone of Achitofel, of Gilo; 2 Samuel 23:35 Esrai, of Carmele; Pharai, of Arbi; 2 Samuel 23:36 Ygaal, sone of Nathan, of Soba; Bonny, of Gaddi; 2 Samuel 23:37 Silech, of Ammony; Naarai, of Beroth, the squyer of Joab, the sone of Saruye; 2 Samuel 23:38 Haray, of Jethri; Gareb, and he was of Gethri; 2 Samuel 23:39 Vrye, of Ethei; alle weren seuene and thretti men.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook