Wycliffe Bible

2 Corinthians 6

That he hath approved himself a faithful minister of Christ, both by his exhortations,

2 Corinthians 6:1 But we helpynge monesten, that ye resseyuen not the grace of God in veyn. 2 Corinthians 6:2 For he seith, In tyme wel plesinge Y haue herd thee, and in the dai of heelthe Y haue helpid thee. Lo! now a tyme acceptable, lo! now a dai of heelthe.

and by integrity of life,

2 Corinthians 6:3 Yyue we to no man ony offencioun, that oure seruyce be not repreued;

and by patient enduring all kinds of afflictions and disgraces for the Gospel.

2 Corinthians 6:4 but in alle thingis yyue we vs silf as the mynystris of God, in myche pacience, in tribulaciouns, 2 Corinthians 6:5 in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis, 2 Corinthians 6:6 in chastite, in kunnyng, in long abiding, in swetnesse, in the Hooli Goost, 2 Corinthians 6:7 in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf; 2 Corinthians 6:8 bi glorie and vnnoblei; bi yuel fame and good fame; as disseyueris, and trewe men; as thei that ben vnknowun, and knowun; 2 Corinthians 6:9 as men diynge, and lo! we lyuen; as chastisid, and not maad deed;

Of which he speaketh the more boldly amongst them, because his heart is open to them,

2 Corinthians 6:10 as sorewful, euere more ioiynge; as hauynge nede, but makynge many men riche; as no thing hauynge, and weldynge alle thingis. 2 Corinthians 6:11 A! ye Corynthies, oure mouth is open to you, oure herte is alargid; 2 Corinthians 6:12 ye ben not angwischid in vs, but ye ben anguischid in youre inwardnessis.

and he expecteth the like affection from them again:

2 Corinthians 6:13 And Y seie as to sones, ye that han the same reward, be ye alargid.

exhorting to flee the society and pollutions of idolaters, as being themselves temples of the living God.

2 Corinthians 6:14 Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis? 2 Corinthians 6:15 and what acording of Crist to Belial? or what part of a feithful with the vnfeithful? 2 Corinthians 6:16 and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me. 2 Corinthians 6:17 For which thing go ye out of the myddil of hem, and be ye departid, seith the Lord, and touche ye not vnclene thing; 2 Corinthians 6:18 and Y schal resseyue you, and schal be to you in to a fadir, and ye schulen be to me in to sones and douytris, seith the Lord almyyti.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook