Wycliffe Bible

2 Chronicles 26

Uzziah succeeding, and reigning well in the days of Zechariah, prospereth.

2 Chronicles 26:1 Forsothe al the puple of Juda made kyng, Ozie, his sone, of sixtene yeer, for his fader Amasie. 2 Chronicles 26:2 He bildide Hailath, and restoride it to the lordschipe of Juda, after that the kyng slepte with hise fadris. 2 Chronicles 26:3 Ozie was of sixtene yeer, whanne he bigan to regne; and he regnede two and fifti yeer in Jerusalem; the name of his modir was Hiechelia, of Jerusalem. 2 Chronicles 26:4 And he dide that, that was riytful in the siyt of the Lord, bi alle thingis whiche Amasie, his fadir, hadde do. 2 Chronicles 26:5 And he souyte the Lord in the daies of Zacarie, vndurstondynge and seynge God; and whanne he souyte God, God reulide hym in alle thingis. 2 Chronicles 26:6 Forsothe he yede out, and fauyt ayens Filisteis, and distriede the wal of Geth, and the wal of Jabyne, and the wal of Azotus; and he bildide stronge places in Azotus and in Filistiym. 2 Chronicles 26:7 And the Lord helpide hym bothe ayens Filisteis, and ayens Arabeis that dwelliden in Garbahal, and ayenus Amonytis. 2 Chronicles 26:8 Amonytis paieden yiftis to Ozie, and his name was pupplischid til to the entryng of Egipt for ofte victories. 2 Chronicles 26:9 And Ozie bildide touris in Jerusalem ouer the yate of the corner, and ouer the yate of the valey, and othere touris in the same side of the wal; and made tho stidefast. 2 Chronicles 26:10 Also he bildide touris in the wildirnesse, and he diggide ful many cisternes; for he hadde many beestis as wel in the feeldi places as in the wastnesse of deseert. Also he hadde vyneris and tiliers of vynes in the hilles, and in Carmele; for he was a man youun to erthetilthe. 2 Chronicles 26:11 Forsothe the oost of hise werriours, that yeden forth to batels, vndur the hond of Heiel, scribe, and of Masie, techere, and vndur the hond of Ananye that was of the duykis of the kyng; 2 Chronicles 26:12 and al the noumbre of princes, by her meynees, was of stronge men two thousynde and sixe hundrid. 2 Chronicles 26:13 And vndur hem was al the oost, thre hundrid thousynde and seuen thousynde and fyue hundrid, that weren able to batel, and fouyten for the king ayens aduersaries. 2 Chronicles 26:14 And Ozie made redi to hem, that is, to al the oost, scheldis, and speris, and basynetis, and haburiouns, and bouwis, and slyngis to caste stonys. 2 Chronicles 26:15 And he made in Jerusalem engynes of dyuerse kynde, which he settide in touris, and in the corneris of wallis, that tho schulden caste arowis and grete stoonys; and his name yede out fer, for the Lord helpide hym, and hadde maad him strong.

Waxing proud, he invadeth the priest's office, and is smitten with leprosy.

2 Chronicles 26:16 But whanne he was maad strong, his herte was reisid in to his perischyng; and he dispiside his Lord God; and he entride in to the temple of the Lord, and wolde brenne encense on the auter of encense. 2 Chronicles 26:17 And anoon Azarie, the preest, entride after hym, and with hym the preestis of the Lord, seuenti men ful noble; 2 Chronicles 26:18 whiche ayenstoden the kyng, and seiden, Ozie, it is not of thin office, that thou brenne encense to the Lord, but of the preestis of the Lord, that is, of the sones of Aaron, that ben halewid to siche seruyce; go thou out of the seyntuarye; dispise thou not; for this thing schal not be arettid of the Lord God to thee in to glorie. 2 Chronicles 26:19 And Ozie was wrooth, and he helde in the hond the censere for to offre encence, and manaasside the preestis; and anoon lepre was sprungun forth in his forheed, bifor the preestis in the hows of the Lord on the auter of encense. 2 Chronicles 26:20 And whanne Azarie, the bischop, hadde biholde hym, and alle othere preestis hadden biholde him, thei sien lepre in his forheed, and hiyngli thei puttiden hym out; but also he was aferd, and hastide to go out; for he feelide anoon the veniaunce of the Lord. 2 Chronicles 26:21 Therfor kyng Ozie was leprouse til to the dai of his deeth, and dwellide in an hows bi it silf, and he was ful of lepre; for which he was cast out of the hows of the Lord. Forsothe Joathan, his sone, gouernyde the hows of the kyng, and demyde the puple of the lond.

He dieth, and Jotham succeeds him.

2 Chronicles 26:22 Sotheli Ysaie, the prophete, the sone of Amos, wroot the residue of the formere and of the laste wordis of Ozie. 2 Chronicles 26:23 And Ozie slepte with hise fadris, and thei birieden not hym in the feeld of the kyngis sepulcris, for he was leprouse; and Joathan, his sone, regnyde for hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook