Wycliffe Bible

1 Samuel 4

The Israelites are overcome by the Philistines at Eben-ezer.

1 Samuel 4:1 And it was doon in tho daies Filisteis camen to gidere in to batel; for Israel yede out ayens Filisteis in to batel, and settiden tentis bisidis the stoon of help. Forsothe Filisteis camen in to Aphet, 1 Samuel 4:2 and maden redi scheltrun ayens Israel. Sotheli whanne the batel was bigunnun, Israel turned backis to Filisteis; and as foure thousynde of men weren slayn in that batel euery where bi feeldis;

They fetch the Ark to the terror of the Philistines.

1 Samuel 4:3 and the puple of Israel turnede ayen to tentis. And the grettere men in birthe of Israel seiden, Whi hath the Lord smyte vs to dai bifore Filisteis? Brynge we to vs fro Silo the arke of boond of pees of the Lord, and come it in to the myddis of vs, that it saue vs fro the hond of oure enemyes. 1 Samuel 4:4 Therfor the puple sente in to Silo, and thei token fro thennus the arke of boond of pees of the Lord of oostis, that sat on cherubyn. And Ophym and Fynees, twei sones of Heli, weren with the arke of boond of pees of the Lord. 1 Samuel 4:5 And whanne the arke of boond of pees of the Lord hadde come in to the castels, al Israel criede with grete cry, and the erthe sownede. 1 Samuel 4:6 And Filisteis herden the vois of cry, and seiden, What is this vois of greet cry in the castels of Ebrews? And thei knewen, that the arke of boond of pees of the Lord hadde come in to castels. 1 Samuel 4:7 And Filisteis dredden, and seiden, God is come in to the castels; and thei weiliden, and seiden, Wo to vs! 1 Samuel 4:8 for so greet ful ioiyng was not yistirdai, and the thridde day passid; wo to vs! who schal kepe vs fro the hond of these hiye goddis? these ben the goddis, that smytiden Egipt with al veniaunce in deseert. 1 Samuel 4:9 Filisteis, be ye coumfortid, and be ye men, serue ye not Ebrews, as thei serueden vs; be ye coumfortid, and fiyte ye.

They are smitten again, the Ark taken, Hophni and Phinehas are slain.

1 Samuel 4:10 Therfor Filisteis fouyten, and Israel was slayn, and ech man flei in to his tabernacle; and a ful greet veniaunce was maad, and thretti thousynde of foot men of Israel felden doun. 1 Samuel 4:11 And the arke of God was takun; and, twei sones of Heli, Ophym and Fynees, weren deed.

Eli, at the news, falling backward, breaketh his neck.

1 Samuel 4:12 Sotheli a man of Beniamyn ran fro the scheltrun, and cam in to Silo in that dai, with his cloth torent and his heed bispreynt with dust; and whanne he was comen, 1 Samuel 4:13 Heli sat on an hiye seete, and bihelde ayens the weie; for his herte was dredyng for the arke of the Lord. Sotheli aftir that thilke man entride, he telde to the citee, and al the citee yellide. 1 Samuel 4:14 And Heli herde the soun of cry, and seide, What is this sown of this noise? And he hastide, and cam, and telde to Heli. 1 Samuel 4:15 Forsothe Heli was of foure score yeer and eiytene, and hise iyen dasiwiden, and he myyte not se. 1 Samuel 4:16 And he seide to Heli, Y am that cam fro batel, and Y am that flei to dai fro the scheltrun. To whom Ely seide, My sone, what is doon? 1 Samuel 4:17 Forsothe he that telde answeride, and seide, Israel flei bifor Filisteis, and a greet fal is maad in the puple; ferthermore and thi twey sones, Ophym and Fynees, ben deed, and the arke of God is takun. 1 Samuel 4:18 And whanne he hadde nemyd the arke of God, Hely felde fro the hiye seete bacward bisidis the dore, and was deed; for the nollis weren brokun. For he was an eld man, and of greet age; and he demyde Israel bi fourti yeer.

Phinehas' wife, discouraged in her travail with Ichabod, dieth.

1 Samuel 4:19 Forsothe his douyter in lawe, the wijf of Finees, was with childe, and niy the child bering; and whanne the message was herd that the arke of God was takun, and that hir fadir in lawe was deed, and hir hosebonde, sche bowide hir silf, and childide; for sodeyn sorewis felden in to hir. 1 Samuel 4:20 Sotheli in that moment of hir deeth, wymmen that stoden aboute hir, seiden to hir, Drede thou not, for thou hast childid a sone. And sche answeride not to hem, for nether sche perseyuede. 1 Samuel 4:21 And sche clepide the child Ichaboth, and seide, The glorie of the Lord is translatid fro Israel, for the arke of God is takun; and for hir fadir in lawe and for hir hosebonde sche seide, 1 Samuel 4:22 The glorie of God is translatid fro Israel, for the arke of God is takun.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook