Wycliffe Bible

1 Samuel 3

How the Word of the LORD was first revealed to Samuel.

1 Samuel 3:1 Forsothe the child Samuel mynystride to the Lord bifor Heli, and the word of the Lord was preciouse; in tho daies was noon opyn reuelacioun. 1 Samuel 3:2 Therfor it was doon in a dai, Heli lay in his bed, and hise iyen dasewiden, and he myyte not se the lanterne of God, bifor that it was quenchid. 1 Samuel 3:3 Forsothe Samuel slepte in the temple of the Lord, where the ark of God was. 1 Samuel 3:4 And the Lord clepide Samuel; and he answeride and seide, Lo! 1 Samuel 3:5 Y. And he ran to Hely, and seide to hym, Lo! Y; for thou clepidist me. Which Hely seide, Y clepide not thee; turne thou ayen and slepe. 1 Samuel 3:6 And he yede and slepte. And the Lord addide eft to clepe Samuel; and Samuel roos, and yede to Hely, and seide, Lo! Y; for thou clepidist me. And Heli answeride, Y clepide not thee, my sone; turne thou ayen and slepe. 1 Samuel 3:7 Forsothe Samuel knew not yit the Lord, nether the word of the Lord was shewid to hym. 1 Samuel 3:8 And the Lord addide, and clepide yit Samuel the thridde tyme; which Samuel roos and yede to Heli, and seide, Lo! Y; for thou clepidist me. Therfor Heli vndirstood, that the Lord clepide the child; 1 Samuel 3:9 and Heli seide to Samuel, Go and slepe; and if he clepith thee aftirward, thou schalt seie, Speke thou, Lord, for thi seruaunt herith. Therfor Samuel yede and slepte in his place. 1 Samuel 3:10 And the Lord cam, and stood, and clepide as he hadde clepid the secunde tyme, Samuel, Samuel. And Samuel seide, Speke thou, Lord, for thi seruaunt herith.

God telleth Samuel the destruction of Eli's house.

1 Samuel 3:11 And the Lord seide to Samuel, Lo! Y make a word in Israel, which word who euer schal here, bothe hise eeris schulen rynge. 1 Samuel 3:12 In that dai Y schal reise ayens Heli alle thingis, whiche Y spak on his hows; Y schal bigynne, and Y schal ende. 1 Samuel 3:13 For Y biforseide to hym, that Y schulde deme his hows with outen ende for wickidnesse; for he knew, that hise sones diden vnworthili, and he chastiside not hem. 1 Samuel 3:14 Therfor Y swoor to the hows of Heli, that the wickidnesse of his hows schal not be clensid bi sacrifices and yiftis til in to with outen ende.

Samuel, though loth, telleth Eli the vision.

1 Samuel 3:15 Forsothe Samuel slepte til the morewtid, and he openyde the doris of the hows of the Lord; and Samuel dredde to schewe the reuelacioun to Heli. 1 Samuel 3:16 Therfor Heli clepide Samuel, and seide, Samuel, my sone. And he answeride and seide, Y am redi. 1 Samuel 3:17 And Heli axide hym, What is the word which the Lord spak to thee? Y preye thee, hide thou not fro me; God do to thee these thingis, and encreesse these thingis, if thou hidist fro me a word of alle wordis that ben seid to thee. 1 Samuel 3:18 And Samuel schewide to hym alle the wordis, and hidde not fro hym. And Heli answeride, He is the Lord; do he that, that is good in hise iyen.

Samuel groweth in credit.

1 Samuel 3:19 Forsothe Samuel encreeside, and the Lord was with hym, and noon of alle hise wordis felde in to erthe. 1 Samuel 3:20 And al Israel fro Dan to Bersabee knew, that feithful Samuel was a profete of the Lord. 1 Samuel 3:21 And the Lord addide that he schulde appere in Silo, for the Lord was schewid to Samuel in Silo bi the word of the Lord; and the word of Samuel cam to al Israel.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook